ಕಥೆಯಲ್ಲಿ ಮೈಸೂರಿನ ಮಧ್ಯಮ ವರ್ಗದ ಶಿಕ್ಷಣ ಪ್ರೇಮಿ ರಾಗಾ ಹಾಗೂ ಶ್ರೀಮಂತ ಕುಟುಂಬದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಯ ಮುಖ್ಯಸ್ಥ ರಿಷಿ ಮುಖಾಮುಖಿಯಾಗಲಿದ್ದಾರೆ. ಸ್ವಾತಂತ್ರ್ಯ ಮತ್ತು ಶಿಕ್ಷಣವೇ ಜೀವ ಎಂದು ನಂಬಿರುವ ನಾಯಕಿ ರಾಗಾಳಿಗೆ ಸ್ವಂತ ತಂದೆಯೇ ತಡೆಗೋಡೆಯಾದರೆ, ಪ್ರೀತಿಯ ಮೇಲೆಯೇ ನಂಬಿಕೆಯಿಲ್ಲದ ನಾಯಕ ರಿಷಿಗೆ ತಾಯಿಯ ಮೇಲೆಯೇ ತೀವ್ರ ಅಸಹನೆ. ಈ ಎರಡು ವಿರುದ್ಧ ದಿಕ್ಕಿನ ವ್ಯಕ್ತಿತ್ವಗಳು ಹಾಗೂ ಹಳೆಯ ಕೌಟುಂಬಿಕ ವೈಮನಸ್ಯಗಳ ನಡುವೆ ಕಥೆ ಹೇಗೆ ಸಾಗಲಿದೆ ಎಂಬುದೇ ‘ಓ ಮನಸೇ’ ಮುಖ್ಯ ತಿರುಳಾಗಿದೆ.

ಧಾರಾವಾಹಿಯಲ್ಲಿ ನಾಯಕ ರಿಷಿ ಪಾತ್ರದಲ್ಲಿ ದರ್ಶಕ್ ಗೌಡ ಹಾಗೂ ನಾಯಕಿ ರಾಗಾ ಪಾತ್ರದಲ್ಲಿ ಮಧುಮಿತಾ ಗೌಡ ಅಭಿನಯಿಸುತ್ತಿದ್ದಾರೆ. ಜೊತೆಗೆ ಅಶ್ವಿನಿ ಗೌಡ, ಅಜಿತ್ ಹಂದೆ, ರೇಖಾ ಕೃಷ್ಣಪ್ಪ, ರಮೇಶ್ ಪಂಡಿತ್ ಸೇರಿದಂತೆ ದೊಡ್ಡ ತಾರಾಗಣವೇ ಇದೆ. ‘ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್’ ಬ್ಯಾನರ್ ಅಡಿಯಲ್ಲಿ ಗಣಪತಿ ಭಟ್ ನಿರ್ಮಿಸುತ್ತಿರುವ ಈ ಧಾರಾವಾಹಿಗೆ ಬಿ. ಮಧುಸೂದನ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಇನ್ನು ಈ ಹೊಸ ಧಾರಾವಾಹಿ ಆಗಮನದಿಂದ ವಾಹಿನಿಯ ಜನಪ್ರಿಯ “ವಸುದೇವ ಕುಟುಂಬ” ಧಾರಾವಾಹಿಯು ನವೆಂಬರ್ 10 ರಿಂದ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ.

The post ಸ್ಟಾರ್ ಸುವರ್ಣದಲ್ಲಿ ‘ಓ ಮನಸೇ’ ಹೊಸ ಧಾರಾವಾಹಿ: ನವೆಂಬರ್ 10 ರಿಂದ ರಾತ್ರಿ ಪ್ರಸಾರ! appeared first on Samyukta Karnataka.