ಏನಿದು ಘಟನೆ?
ಮುಂಬೈ ಇಂಡಿಯನ್ಸ್ ಚೇಸಿಂಗ್ ಮಾಡುತ್ತಿದ್ದಾಗ 10ನೇ ಓವರ್‌ನ ಕೊನೆಯ ಎಸೆತದಲ್ಲಿ ಈ ಘಟನೆ ಸಂಭವಿಸಿತು. ಸಿಎಸ್‌ಕೆ ವೇಗಿ ಜೇಮೀ ಓವರ್ಟನ್ ಬೌಲಿಂಗ್ ಮಾಡಲು ಓಡಿ ಬರುತ್ತಿದ್ದಾಗ, ಫೀಲ್ಡರ್ ಒಬ್ಬರ ಚಲನೆಯಿಂದಾಗಿ ಬ್ಯಾಟರ್ ತಿಲಕ್ ವರ್ಮಾ ಅವರ ಗಮನ ಸೆಳೆಯಿತು. ಇದರಿಂದ ಅಸಮಾಧಾನಗೊಂಡ ತಿಲಕ್, ಓವರ್ಟನ್ ಕಡೆಗೆ ಕಿರುಚಾಡಿದರು. ಇದು ಇಬ್ಬರ ನಡುವೆ ತೀವ್ರ ಮಾತಿನ ಚಕಮಕಿಗೆ ಕಾರಣವಾಯಿತು. ಮೈದಾನದಲ್ಲಿ ಕ್ಷಣಕಾಲ ಉದ್ವಿಗ್ನ ವಾತಾವರಣ ನಿರ್ಮಾಣವಾಗಿತ್ತು. ತಕ್ಷಣವೇ ಮಧ್ಯಪ್ರವೇಶಿಸಿದ ಸೂರ್ಯಕುಮಾರ್ ಯಾದವ್ ಮತ್ತು ಅಂಪೈರ್‌ಗಳು ಇಬ್ಬರನ್ನೂ ಸಮಾಧಾನಪಡಿಸಿ ಪರಿಸ್ಥಿತಿಯನ್ನು ತಿಳಿಗೊಳಿಸಿದರು.

ಮುಂಬೈನ ಬ್ಯಾಟಿಂಗ್ ಕುಸಿತ:
ಪಂದ್ಯದ ವಿಷಯಕ್ಕೆ ಬಂದರೆ, ಮುಂಬೈ ಇಂಡಿಯನ್ಸ್ 208 ರನ್‌ಗಳ ಬೃಹತ್ ಗುರಿಯನ್ನು ಬೆನ್ನಟ್ಟುವಲ್ಲಿ ಸಂಪೂರ್ಣ ವಿಫಲವಾಯಿತು. ತಿಲಕ್ ವರ್ಮಾ (37) ಮತ್ತು ಸೂರ್ಯಕುಮಾರ್ ಯಾದವ್ (36) ನಾಲ್ಕನೇ ವಿಕೆಟ್‌ಗೆ 74 ರನ್‌ಗಳ ಜೊತೆಯಾಟವಾಡಿದರಾದರೂ, ತಿಲಕ್ ವಿಕೆಟ್ ಪತನದ ನಂತರ ಮುಂಬೈ ತಂಡ ಕೇವಲ 20 ರನ್‌ಗಳ ಅಂತರದಲ್ಲಿ ಉಳಿದ 6 ವಿಕೆಟ್‌ಗಳನ್ನು ಕಳೆದುಕೊಂಡು 104 ರನ್‌ಗಳಿಗೆ ಆಲೌಟ್ ಆಯಿತು. ಸಿಎಸ್‌ಕೆ ಪರ ಅಕೀಲ್ ಹೊಸೈನ್ 17 ರನ್ ನೀಡಿ 4 ವಿಕೆಟ್ ಪಡೆಯುವ ಮೂಲಕ ಮುಂಬೈ ಬೆನ್ನೆಲುಬು ಮುರಿದರು.

ಸೌಹಾರ್ದತೆಯ ಅಂತ್ಯ:
ಮೈದಾನದಲ್ಲಿ ಎಷ್ಟೇ ಕಿತ್ತಾಟ ನಡೆದಿದ್ದರೂ, ಪಂದ್ಯದ ನಂತರ ಇಬ್ಬರೂ ಆಟಗಾರರು ಕ್ರೀಡಾ ಮನೋಭಾವವನ್ನು ಮೆರೆದಿದ್ದಾರೆ. ಪಂದ್ಯ ಮುಗಿದ ಬಳಿಕ ತಿಲಕ್ ವರ್ಮಾ ಮತ್ತು ಜೇಮೀ ಓವರ್ಟನ್ ಪರಸ್ಪರ ಹಸ್ತಲಾಘವ ಮಾಡಿ, ನಗುನಗುತ್ತಾ ಮಾತನಾಡುತ್ತಿರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಮೈದಾನದ ಬಿಸಿಯನ್ನು ಮೈದಾನದಲ್ಲೇ ಬಿಟ್ಟು, ಇಬ್ಬರೂ ಆಟಗಾರರು ಗೆಳೆತನದ ಹಸ್ತ ಚಾಚಿದ್ದು ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ.

ಈ ಗೆಲುವಿನೊಂದಿಗೆ ಚೆನ್ನೈ ಸೂಪರ್ ಕಿಂಗ್ಸ್ ಅಂಕಪಟ್ಟಿಯಲ್ಲಿ 5ನೇ ಸ್ಥಾನಕ್ಕೆ ಜಿಗಿದಿದ್ದು, ಪ್ಲೇಆಫ್ ಹಾದಿಯನ್ನು ಸುಗಮಗೊಳಿಸಿಕೊಂಡಿದೆ. ಆದರೆ ಮುಂಬೈ ಇಂಡಿಯನ್ಸ್ ತಂಡವು 8ನೇ ಸ್ಥಾನಕ್ಕೆ ಕುಸಿದಿದ್ದು, ಮುಂದಿನ ಪಂದ್ಯಗಳಲ್ಲಿ ಜಯದ ಹಾದಿಗೆ ಮರಳುವ ಒತ್ತಡದಲ್ಲಿದೆ.

The post ವಾಂಖೆಡೆಯಲ್ಲಿ ಹೈ-ವೋಲ್ಟೇಜ್ ಡ್ರಾಮಾ: ತಿಲಕ್ ವರ್ಮಾ ಮತ್ತು ಜೇಮೀ ಓವರ್ಟನ್ ನಡುವೆ ಮಾತಿನ ಚಕಮಕಿ! appeared first on Samyukta Karnataka.

ವೈರಲ್ ಆಗಿರುವ ಈ ವಿಡಿಯೋದಲ್ಲಿ, ಎಸ್‌ಆರ್‌ಹೆಚ್ ಜೆರ್ಸಿ ಧರಿಸಿದ್ದ ಅಭಿಮಾನಿಯೊಬ್ಬರು ಗ್ಯಾಲರಿಯಲ್ಲಿ ನಿಂತು ವಿಚಿತ್ರವಾದ ಕೈಚಳಕ ಮತ್ತು ಹಾವಭಾವಗಳನ್ನು ಮಾಡುತ್ತಿರುವುದು ಕಂಡುಬಂದಿದೆ. ಇದನ್ನು ನೋಡಿದ ನೆಟ್ಟಿಗರು ತಮಾಷೆಯಾಗಿ ಇದು “ಬ್ಲ್ಯಾಕ್ ಮ್ಯಾಜಿಕ್” ಎಂದು ಬಣ್ಣಿಸಿದ್ದಾರೆ. ಆದರೆ ಅಸಲಿ ಟ್ವಿಸ್ಟ್ ಸಿಕ್ಕಿದ್ದೇ ಅಲ್ಲಿ; ಆ ಅಭಿಮಾನಿ ಈ ರೀತಿ ಕೈ ಸನ್ನೆಯಾಟ ಮುಗಿಸಿದ ಕೆಲವೇ ಸೆಕೆಂಡುಗಳಲ್ಲಿ, ಎಸ್‌ಆರ್‌ಹೆಚ್ ಬೌಲರ್ ಸಾಕಿಬ್ ಹುಸೇನ್ ಎಸೆದ ಚೆಂಡಿಗೆ ಶಿವಂ ದುಬೆ ಕ್ಲೀನ್ ಬೌಲ್ಡ್ ಆಗಿ ಪೆವಿಲಿಯನ್ ಸೇರಿದರು.

ಅಭಿಮಾನಿಯ ವಿಚಿತ್ರ ವರ್ತನೆ ಮತ್ತು ತಕ್ಷಣವೇ ವಿಕೆಟ್ ಪತನವಾದ ಈ ಕಾಕತಾಳೀಯ ಘಟನೆಯನ್ನು ನೋಡಿ ಕ್ರೀಡಾಂಗಣದಲ್ಲಿದ್ದವರು ಹಾಗೂ ಟಿವಿಯಲ್ಲಿ ನೋಡುತ್ತಿದ್ದವರು ಒಂದು ಕ್ಷಣ ಬೆಚ್ಚಿಬಿದ್ದರು. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಕಿಚ್ಚು ಹಚ್ಚಿದ್ದು, “ಎಸ್‌ಆರ್‌ಹೆಚ್ ತಂಡಕ್ಕೆ ಮಾಟಮಂತ್ರದ ಶಕ್ತಿ ಸಿಕ್ಕಿದೆ” ಎಂದು ಅಭಿಮಾನಿಗಳು ತಮಾಷೆಯ ಮೀಮ್‌ಗಳನ್ನು ಹರಿಬಿಡುತ್ತಿದ್ದಾರೆ. ಕೇವಲ ಮನರಂಜನೆಗಾಗಿ ಈ ವಿಡಿಯೋ ವೈರಲ್ ಆಗುತ್ತಿದ್ದರೂ, ಪಂದ್ಯದ ಗಂಭೀರತೆಯ ನಡುವೆ ಇದು ಒಂದು ವಿಭಿನ್ನ ಮಜಲನ್ನು ಸೃಷ್ಟಿಸಿದೆ.

ಅಂತಿಮವಾಗಿ ಈ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ತಂಡವು ಚೆನ್ನೈ ವಿರುದ್ಧ 10 ರನ್‌ಗಳ ರೋಚಕ ಜಯ ಸಾಧಿಸಿತು. ಮೈದಾನದ ಹೊರಗಿನ ಈ ವಿಚಿತ್ರ ವಿದ್ಯಮಾನವು ಪಂದ್ಯದ ಗೆಲುವಿನಷ್ಟೇ ಸದ್ದು ಮಾಡುತ್ತಿದ್ದು, ಕ್ರಿಕೆಟ್ ಅಂಗಳದಲ್ಲಿ ಮೂಢನಂಬಿಕೆ, ಕಾಕತಾಳೀಯ ಮತ್ತು ನಾಟಕೀಯ ಬೆಳವಣಿಗೆಗಳು ಹೇಗೆ ಮೇಳೈಸುತ್ತವೆ ಎಂಬುದಕ್ಕೆ ಈ “ಬ್ಲ್ಯಾಕ್ ಮ್ಯಾಜಿಕ್” ವಿಡಿಯೋ ಸಾಕ್ಷಿಯಾಗಿದೆ.

The post IPLನಲ್ಲಿ ಮಂತ್ರ-ತಂತ್ರ? SRH ಗೆಲುವಿನ ಹಿಂದೆ ವಿಚಿತ್ರ ಶಕ್ತಿ! ಆ ಅಭಿಮಾನಿ ಮಾಡಿದ್ದು ಬ್ಲ್ಯಾಕ್ ಮ್ಯಾಜಿಕ್? appeared first on Samyukta Karnataka.

ಈ ಪಂದ್ಯಕ್ಕಾಗಿ ಧೋನಿ ಈಗಾಗಲೇ ಹೈದರಾಬಾದ್‌ಗೆ ಪ್ರಯಾಣ ಬೆಳೆಸಿದ್ದಾರೆ ಎಂಬ ವಿಚಾರವನ್ನು ಸಿಎಸ್‌ಕೆ ತನ್ನ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಧೋನಿ ಮೈದಾನಕ್ಕಿಳಿಯುವುದು ಬಹುತೇಕ ಖಚಿತ ಎಂಬ ಮಾತುಗಳು ಕೇಳಿಬರುತ್ತಿವೆ. ಐಪಿಎಲ್ 2026ರ ಆರಂಭಕ್ಕೂ ಮುನ್ನ ಧೋನಿ ಅಭಿಮಾನಿಗಳಿಗೆ ನಿರಾಸೆಯ ಸುದ್ದಿಯೊಂದು ಸಿಕ್ಕಿತ್ತು. ಕಾಲಿನ ಸ್ನಾಯು ಸೆಳೆತದ ಸಮಸ್ಯೆಯಿಂದಾಗಿ ಟೂರ್ನಿಯ ಮೊದಲ ಎರಡು ವಾರಗಳ ಕಾಲ ಧೋನಿ ಆಡುವುದಿಲ್ಲ ಎಂದು ಮ್ಯಾನೇಜ್‌ಮೆಂಟ್ ಸ್ಪಷ್ಟಪಡಿಸಿತ್ತು.

ಇದೀಗ ಆ ಎರಡು ವಾರಗಳ ಅವಧಿ ಮುಗಿದಿದ್ದು, ತಂಡದ ಜೊತೆ ಧೋನಿ ಪ್ರಯಾಣಿಸುತ್ತಿರುವುದು ಅವರ ಕಮ್‌ಬ್ಯಾಕ್ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿದೆ. ಈವರೆಗೆ ಆಡಿರುವ ಐದು ಪಂದ್ಯಗಳಲ್ಲಿ ತವರಿನ ನೆಲದಲ್ಲಿ ಸತತ ಗೆಲುವು ಸಾಧಿಸಿರುವ ಚೆನ್ನೈ ತಂಡಕ್ಕೆ ಧೋನಿ ಅವರ ಎಂಟ್ರಿ ಆನೆ ಬಲ ತರುವುದರಲ್ಲಿ ಸಂಶಯವಿಲ್ಲ. ಆದರೂ ಅಂತಿಮವಾಗಿ ಅವರು ಹನ್ನೊಂದರ ಬಳಗದಲ್ಲಿ ಕಾಣಿಸಿಕೊಳ್ಳುತ್ತಾರಾ ಅಥವಾ ಕೇವಲ ಮಾರ್ಗದರ್ಶಕರಾಗಿ ಇರುತ್ತಾರಾ ಎನ್ನುವುದಕ್ಕೆ ಶನಿವಾರ ಸಂಜೆಯವರೆಗೆ ಕಾಯಲೇಬೇಕಿದೆ. ಹೈದರಾಬಾದ್ ನೆಲದಲ್ಲಿ ಧೋನಿ ಧಮಾಕಾ ನೋಡಲು ಇಡೀ ಕ್ರಿಕೆಟ್ ಲೋಕ ಕಾತರದಿಂದ ಕಾಯುತ್ತಿದೆ.

The post CSKಗೆ ‘ತಲಾ ಬಲ’; 2 ವಾರದ ಬಳಿಕ ಮೈದಾನಕ್ಕಿಳಿಯಲಿದ್ದಾರೆ ಧೋನಿ! SRHಗೆ ಶುರುವಾಯ್ತು ನಡುಕ appeared first on Samyukta Karnataka.

ಧೋನಿ ಅವರ ಫಾರ್ಮ್ ಕಳೆದ ಸೀಸನ್‌ನಲ್ಲಿ ಸ್ವಲ್ಪ ಮಟ್ಟಿಗೆ ಕುಸಿದಿದ್ದರೂ, ಅವರ ಅನುಭವ ಮತ್ತು ಫಿನಿಶಿಂಗ್ ಸಾಮರ್ಥ್ಯ ತಂಡಕ್ಕೆ ಸದಾ ಆಸರೆಯಾಗಿತ್ತು. ಆದರೆ ಅವರ ಅನುಪಸ್ಥಿತಿಯಲ್ಲಿ ವಿಕೆಟ್ ಕೀಪಿಂಗ್ ಜವಾಬ್ದಾರಿ ಹೊತ್ತಿರುವ ಸಂಜು ಸ್ಯಾಮ್ಸನ್, ಭರ್ಜರಿ ಫಾರ್ಮ್ ಪ್ರದರ್ಶಿಸುವ ಮೂಲಕ ಅಭಿಮಾನಿಗಳಿಗೆ ಸ್ವಲ್ಪ ಸಮಾಧಾನ ನೀಡಿದ್ದಾರೆ. ಅದರಲ್ಲೂ ದೆಹಲಿ ಕ್ಯಾಪಿಟಲ್ಸ್ ವಿರುದ್ಧ ಸಂಜು ಸಿಡಿಸಿದ 115 ರನ್‌ಗಳ ಶತಕವು ಸಿಎಸ್‌ಕೆ ಬ್ಯಾಟಿಂಗ್‌ಗೆ ಹೊಸ ಕಳೆ ನೀಡಿದೆ. ಇನ್ನು ತಂಡದ ಪ್ರಸ್ತುತ ಪರಿಸ್ಥಿತಿಯ ಬಗ್ಗೆ ಮಾತನಾಡಿರುವ ಕೋಚ್ ಸ್ಟೀಫನ್ ಫ್ಲೆಮಿಂಗ್, ಧೋನಿ ಮೈದಾನದಲ್ಲಿ ಇಲ್ಲದಿದ್ದರೂ ಡ್ರೆಸ್ಸಿಂಗ್ ರೂಮ್‌ನಲ್ಲಿ ಅವರ ಮಾರ್ಗದರ್ಶನ ಮತ್ತು ಪ್ರಭಾವ ತಂಡದ ಮೇಲೆ ಸದಾ ಇರುತ್ತದೆ ಎಂದು ಭರವಸೆ ನೀಡಿದ್ದಾರೆ.

ಇಂದಿನ ಪಂದ್ಯವು ಅಂಕಪಟ್ಟಿಯಲ್ಲಿ ಕೆಳಮಟ್ಟದಲ್ಲಿರುವ ಎರಡೂ ತಂಡಗಳಿಗೆ ಅತ್ಯಂತ ನಿರ್ಣಾಯಕವಾಗಿದೆ. ಸಿಎಸ್‌ಕೆ ಇದುವರೆಗೆ ಕೇವಲ ಒಂದು ಜಯ ಕಂಡಿದ್ದರೆ, ಅಜಿಂಕ್ಯ ರಹಾನೆ ನಾಯಕತ್ವದ ಕೆಕೆಆರ್ ತಂಡ ಈ ಸೀಸನ್‌ನಲ್ಲಿ ತನ್ನ ಚೊಚ್ಚಲ ಗೆಲುವಿಗಾಗಿ ಹಾತೊರೆಯುತ್ತಿದೆ. ಇವೆಲ್ಲದರ ನಡುವೆ ಸಿಎಸ್‌ಕೆ ತಂಡಕ್ಕೆ ಬೌಲಿಂಗ್ ವಿಭಾಗದಲ್ಲೂ ಚಿಂತೆ ಎದುರಾಗಿದ್ದು, ನೇಥನ್ ಎಲ್ಲಿಸ್ ಬದಲಿಗೆ ಬರಲಿರುವ ಸ್ಪೆನ್ಸರ್ ಜಾನ್ಸನ್ ತಂಡವನ್ನು ಸೇರಿಕೊಳ್ಳಲು ಇನ್ನೂ ಕೆಲವು ದಿನಗಳು ಬಾಕಿ ಇವೆ. ಹೀಗಾಗಿ ಸಾಲು ಸಾಲು ಗಾಯದ ಸಮಸ್ಯೆಗಳು ಮತ್ತು ಪ್ರಮುಖ ಆಟಗಾರರ ಅಲಭ್ಯತೆಯ ನಡುವೆ ಚೆನ್ನೈ ತಂಡವು ಇಂದು ಕೋಲ್ಕತ್ತಾ ವಿರುದ್ಧ ಹೇಗೆ ಹೋರಾಡಲಿದೆ ಎಂಬುದು ಕುತೂಹಲ ಕೆರಳಿಸಿದೆ. ಸ್ಯಾಮ್ಸನ್ ಅವರ ಬ್ಯಾಟಿಂಗ್ ಅಬ್ಬರ ಮತ್ತು ಧೋನಿ ನೀಡುವ ರಣತಂತ್ರದ ಮಾರ್ಗದರ್ಶನ ಸಿಎಸ್‌ಕೆಗೆ ಗೆಲುವು ತಂದುಕೊಡುತ್ತದೆಯೇ ಎಂದು ಕಾದು ನೋಡಬೇಕಿದೆ.

The post ಕೊನೆಗೂ ಮೈದಾನಕ್ಕೆ ಇಳಿದ ಧೋನಿ; KKR ಪಂದ್ಯದ ವಿರುದ್ಧ CSK ತಲಾ ಎಂಟ್ರಿ ಕೊಡ್ತಾರಾ? ಬಿಗ್ ಅಪ್ಡೇಟ್! appeared first on Samyukta Karnataka.

ಇನ್ನು ಐಪಿಎಲ್ 2026ರ ಆವೃತ್ತಿಯಲ್ಲಿ RCB ಮೊದಲ ಪಂದ್ಯದಲ್ಲಿ ಗೆದ್ದು ಬಿಗಿದೆ. ಎರಡನೇ ಪಂದ್ಯವನ್ನು ಗೆಲ್ಲುವ ನಿರೀಕ್ಷೆಯಲ್ಲಿದ್ದಾರೆ. ಆದ್ರೆ CSK ತಂಡ ಮಾತ್ರ ಎರಡು ಪಂದ್ಯಗಳಲ್ಲಿ ಸೋತಿದ್ದಾರೆ. RCB ವಿರುದ್ಧ ಗೆಲ್ಲುವುದಕ್ಕೆ ಸಕತ್ ಪ್ಲಾನ್ ಮಾಡಿಕೊಂಡಿದ್ದಾರೆ. CSK ತಂಡ ತನ್ನ ಮೊದಲ ಎರಡು ಪಂದ್ಯದಲ್ಲಿ ಕಳಪೆ ಪ್ರದರ್ಶನ ನೀಡಿದೆ. ಇದರಿಂದ ತಂಡದಲ್ಲಿನ ಆತ್ಮವಿಶ್ವಾಸ ಕಡಿಮೆಯಾಗಿದೆ ಎನ್ನುವಂತೆ ಕಾಣುತ್ತಿದ್ದರು, ಮೂರನೇ ಪಂದ್ಯದಲ್ಲಿ ಗೆದ್ದೇ ಗೆಲ್ಲುತ್ತೇವೆ ನಿರೀಕ್ಷೆಯೊಂದಿಗೆ ಕಣಕ್ಕಳಿದಿದ್ದಾರೆ.

ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಮೊದಲ ಪಂದ್ಯದಲ್ಲಿ ರಾಜಸ್ಥಾನ ವಿರುದ್ಧ 8 ವಿಕೆಟ್‌ಗಳಿಂದ ಮತ್ತು ಎರಡನೇ ಪಂಜಾಬ್ ಕಿಂಗ್ಸ್ ವಿರುದ್ಧ 5 ವಿಕೆಟ್‌ಗಳಿಂದ ಸೋತಿತ್ತು. ತಂಡದಲ್ಲಿ ಬಹು ನಿರೀಕ್ಷಿತ ಆಟಗಾರರಾದ ಸಂಜು ಸ್ಯಾಮ್ಸನ್ ಮತ್ತು ರುತುರಾಜ್ ಗಾಯಕ್ವಾಡ್ ಕಳಪೆ ಪ್ರದರ್ಶನ ನೀಡಿದ್ದರು. ಶಿವಂ ದುಬೆ, ಆಯುಷ್ ಮಾತ್ರೆ ಮತ್ತು ಸರ್ಫರಾಜ್ ಖಾನ್ ಸ್ವಲ್ಪ ಮಟ್ಟಿಗೆ ಉತ್ತಮ ಪ್ರದರ್ಶನ ಆಟಗಳನ್ನು ಆಡಿದ್ದಾರೆ.

ಚೆನ್ನೈ ತಂಡಕ್ಕೆ ಈ ಪಂದ್ಯ ಗೆಲ್ಲಲ್ಲೇ ಬೇಕಾದ ಅನಿವಾರ್ಯ ಪರಿಸ್ಥಿತಿ ಎದುರಾಗಿದ್ದು, ಈ ಹಿನ್ನೆಲೆ ತಂಡದಲ್ಲಿ ಬದಲಾವಣೆಗಳನ್ನು ಮಾಡುವ ನಿರೀಕ್ಷೆಯಿದೆ. ಮೊದಲ ಎರಡು ಪಂದ್ಯಗಳಿಂದ ಹೊರಗುಳಿದಿದ್ದ ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್ಮನ್ ಡೆವಾಲ್ಡ್ ಬ್ರೆವಿಸ್ ಇಂದಿನ ಪಂದ್ಯದಲ್ಲಿ ಕಣಕ್ಕಿಳಿಯುವ ನಿರೀಕ್ಷೆಯಿದೆ. ಐಪಿಎಲ್ ಇತಿಹಾಸದಲ್ಲಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಡುವೆ 35 ಪಂದ್ಯಗಳು ನಡೆದಿವೆ. ಈ ಪೈಕಿ, ಚೆನ್ನೈ ಸೂಪರ್ ಕಿಂಗ್ಸ್ ಗರಿಷ್ಠ 21 ಪಂದ್ಯಗಳನ್ನು ಗೆದ್ದರೆ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು 13 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದೆ. ಒಂದು ಪಂದ್ಯ ಡ್ರಾದಲ್ಲಿ ಕೊನೆಗೊಂಡಿದೆ.

ಒಟ್ಟಿನಲ್ಲಿ ಇಂದು ನಡೆಯಲಿರುವ RCB vs CSK ಪಂದ್ಯದ ಮೇಲೆ ಅಭಿಮಾನಿಗಳ ಚಿತ್ತ. ಇಂದಿನ ಪಂದ್ಯದಲ್ಲಿ ಗೆಲುವು ಯಾರ ಪಾಲಾಗುತ್ತೆ ಎನ್ನುವುದು ಕಾದು ನೋಡಬೇಕಿದೆ.

The post RCB vs CSK ಮ್ಯಾಚ್; ಇವತ್ತು ಗೆಲ್ಲೋದು RCBನಾ? ಚೆನ್ನೈ ಸೂಪರ್ ಕಿಂಗ್ಸ್‌ಗೆ ಮಾಡು ಇಲ್ಲವೇ ಮಡಿ ಹೋರಾಟ appeared first on Samyukta Karnataka.