Home ಕ್ರೀಡೆ WPL 2026 ವೇಳಾಪಟ್ಟಿ ಬಿಡುಗಡೆ – ಫೈನಲ್ ವಾರಾಂತ್ಯವಲ್ಲ, ವಾರದ ಮಧ್ಯ!

WPL 2026 ವೇಳಾಪಟ್ಟಿ ಬಿಡುಗಡೆ – ಫೈನಲ್ ವಾರಾಂತ್ಯವಲ್ಲ, ವಾರದ ಮಧ್ಯ!

0

ಮುಂಬೈ: 2026ನೇ ಸಾಲಿನ ಮಹಿಳಾ ಪ್ರೀಮಿಯರ್ ಲೀಗ್‌ (Women’s Premier League – WPL) ಕುರಿತ ಮೆಗಾ ಹರಾಜು ನಡೆದ ಎರಡು ದಿನಗಳಲ್ಲಿ, ಬಿಸಿಸಿಐ (BCCI) ಇದೀಗ ಪಂದ್ಯಾವಳಿಯ ಸಂಪೂರ್ಣ ವೇಳಾಪಟ್ಟಿಯನ್ನು ಪ್ರಕಟಿಸಿದೆ. ವೇಳಾಪಟ್ಟಿಯಲ್ಲಿ ಕಂಡುಬಂದಿರುವ ಪ್ರಮುಖ ವಿಚಾರವೇನೆಂದರೆ — ಸಾಮಾನ್ಯವಾಗಿ ವಾರಾಂತ್ಯದಲ್ಲಿ ನಡೆಯುವ ಫೈನಲ್ ಪಂದ್ಯವನ್ನು ಬಿಸಿಸಿಐ ಈ ಬಾರಿ ವಾರದ ಮಧ್ಯ ನಡೆಸಲು ತೀರ್ಮಾನಿಸಿದೆ.

ವಾರದ ಮಧ್ಯ ಎಲಿಮಿನೇಟರ್ ಮತ್ತು ಫೈನಲ್: ಬಿಸಿಸಿಐ ಪ್ರಕಟಿಸಿರುವ ವೇಳಾಪಟ್ಟಿಯ ಪ್ರಕಾರ ಎಲಿಮಿನೇಟರ್: ಫೆಬ್ರವರಿ 3 — ಮಂಗಳವಾರ ಹಾಗೂ ಫೈನಲ್: ಫೆಬ್ರವರಿ 5 — ಗುರುವಾರ ನಡೆಯಲಿದೆ. ಕ್ರಿಕೆಟ್ ಅಭಿಮಾನಿಗಳ ನಿರೀಕ್ಷೆಗೆ ವಿರುದ್ಧವಾಗಿ, ಶನಿವಾರ–ಭಾನುವಾರದ ಬದಲು ಈ ಮಹತ್ವದ ಪಂದ್ಯಗಳನ್ನು ವಾರದ ಮಧ್ಯಕ್ಕೆ ಸರಿಸುವ ನಿರ್ಧಾರ ಬಿಸಿಸಿಐ ತೆಗೆದುಕೊಂಡಿರುವುದು ಚರ್ಚೆಗೆ ಕಾರಣವಾಗಿದೆ.

ನವಿ ಮುಂಬೈ ಮತ್ತು ವಡೋದರಾ – ಎರಡು ವೇದಿಕೆಗಳಲ್ಲೇ ಟೂರ್ನಿ: ಈ ಬಾರಿ WPL 2026 ಅನ್ನು ಕೇವಲ ಎರಡು ನಗರಗಳಲ್ಲಿ ಮಾತ್ರ ಆಯೋಜಿಸಲಾಗಿದೆ: ನವಿ ಮುಂಬೈ – ಡಿವೈ ಪಾಟೀಲ್ ಕ್ರೀಡಾಂಗಣ ಹಾಗೂ ವಡೋದರಾದಲ್ಲಿ ಫೈನಲ್ ವೇದಿಕೆ ಸಿದ್ದಗೊಳ್ಳುತ್ತಿವೆ.

28 ದಿನಗಳ ಕಾಲ ನಡೆಯುವ ಈ ನಾಲ್ಕನೇ ಆವೃತ್ತಿಯಲ್ಲಿ ಒಟ್ಟು 22 ಪಂದ್ಯಗಳು ನಡೆಯಲಿದ್ದು, ಎರಡು ಡಬಲ್ ಹೆಡರ್ ಪಂದ್ಯಗಳನ್ನು ಹೊರತುಪಡಿಸಿ ಉಳಿದ ಎಲ್ಲ ಪಂದ್ಯಗಳು ಸಂಜೆ 7 ಗಂಟೆಗೆ ಪ್ರಾರಂಭವಾಗಲಿವೆ.

ಡಿವೈ ಪಾಟೀಲ್ – ಮೊದಲಾರ್ಧದ ಕೇಂದ್ರಬಿಂದು: ನವಿ ಮುಂಬೈನ ಡಿವೈ ಪಾಟೀಲ್ ಸ್ಟೇಡಿಯಂ ಈ ಬಾರಿ ಪ್ರಾಥಮಿಕ ಸುತ್ತಿನ ಪಂದ್ಯಗಳು ಹಾಗೂ ಎರಡು ಡಬಲ್ ಹೆಡರ್ ಪಂದ್ಯಗಳನ್ನು ಆಯೋಜಿಸುತ್ತದೆ.

ವಡೋದರಾ – ನಿರ್ಣಾಯಕ ಹಂತಗಳ ಆತಿಥೇಯ: ಪಂದ್ಯಾವಳಿಯ ದ್ವಿತೀಯಾರ್ಧವನ್ನು ವಡೋದರಾ ಆತಿಥ್ಯ ವಹಿಸಲಿದ್ದು ಲೀಗ್ ಹಂತದ ಎರಡನೇ ಭಾಗ ಎಲಿಮಿನೇಟರ್ ಮತ್ತು ಫೈನಲ್ ಎಲ್ಲವೂ ವಡೋದರಾ ಕ್ರಿಕೆಟ್ ಅಭಿಮಾನಿಗಳ ಸಮ್ಮುಖದಲ್ಲಿ ನಡೆಯಲಿದೆ.

ಅಭಿಮಾನಿಗಳಲ್ಲಿ ಕುತೂಹಲ–ಆಶ್ಚರ್ಯ ಮಿಶ್ರ ಪ್ರತಿಕ್ರಿಯೆ: ಈ ಬಾರಿ WPL ವೇಳಾಪಟ್ಟಿಯಲ್ಲಿ ಮಾಡಿರುವ ಬದಲಾವಣೆಗಳು ಮತ್ತು ವಾರದ ಮಧ್ಯ ನಡೆಯುವ ಫೈನಲ್ ಹಾಗು ಎರಡು ನಗರಗಳಿಗೆ ಸೀಮಿತವಾದ ಟೂರ್ನಿ ಇವು ಕ್ರಿಡಾ ಅಭಿಮಾನಿಗಳಲ್ಲಿ ಚರ್ಚೆಗೆ ಕಾರಣವಾಗಿದ್ದು, ಸಂಜೆ ಪಂದ್ಯಗಳ ಟೈಮಿಂಗ್‌ ಕಾರಣದಿಂದ ಟಿವಿ ವೀಕ್ಷಣೆ ಮತ್ತು ಸ್ಟೇಡಿಯಂ ಹಾಜರಾತಿ ಮೇಲೆ ಏನು ಪರಿಣಾಮ ಬೀರುತ್ತದೆ ಎಂಬ ಕುತೂಹಲವೂ ಕಂಡುಬರುತ್ತಿದೆ.

NO COMMENTS

LEAVE A REPLY

Please enter your comment!
Please enter your name here

Exit mobile version