ನವದೆಹಲಿ: 127 ವರ್ಷಗಳ ನಂತರ ಭಗವಾನ್ ಗೌತಮ ಬುದ್ಧನ ಪವಿತ್ರ ಪಿಪ್ರಾಹ್ವಾ ಅವಶೇಷಗಳು ಭಾರತಕ್ಕೆ ಮರಳಿರುವುದನ್ನು ಪ್ರಧಾನಿ ನರೇಂದ್ರ ಮೋದಿ ಶ್ಲಾಘಿಸಿದ್ದಾರೆ. ಈ ಪವಿತ್ರ ಅವಶೇಷಗಳು ಭಗವಾನ್ ಬುದ್ಧ ಮತ್ತು ಅವರ ಉದಾತ್ತ ಬೋಧನೆಗಳೊಂದಿಗೆ ಭಾರತದ ನಿಕಟ ಸಂಬಂಧವನ್ನು ಎತ್ತಿ ತೋರಿಸುತ್ತವೆ ಎಂದಿದ್ದಾರೆ.
ಪಿಪ್ರಾಹ್ವಾ ಅವಶೇಷಗಳನ್ನು 1898 ರಲ್ಲಿ ಕಂಡುಹಿಡಿಯಲಾಯಿತು ಆದರೆ ವಸಾಹತುಶಾಹಿ ಅವಧಿಯಲ್ಲಿ ಭಾರತದಿಂದ ತೆಗೆದುಕೊಂಡು ಹೋಗಲಾಗಿತ್ತು, ಎಂಬುದನ್ನು ಈ ಸಂದರ್ಭದಲ್ಲಿ ಸ್ಮರಿಸಿಕೊಳ್ಳಬಹುದು. ಈ ವರ್ಷದ ಆರಂಭದಲ್ಲಿ ಅಂತರರಾಷ್ಟ್ರೀಯ ಹರಾಜಿನಲ್ಲಿ ಅವಶೇಷಗಳು ಕಾಣಿಸಿಕೊಂಡಾಗ, ಅವುಗಳನ್ನು ಗುರುತಿಸಿ ಪಿಪ್ರಾಹವಾ ಅವಶೇಷಗಳನ್ನು ಮರಳಿ ತರುವಲ್ಲಿ ನಮ್ಮ ಸರ್ಕಾರ ಮಹತ್ವದ ಕೆಲಸ ಮಾಡಿದೆ.
127 ವರ್ಷಗಳ ನಂತರ ಬುದ್ಧನ ಪವಿತ್ರ ಪಿಪ್ರಾಹ್ವಾ ಅವಶೇಷಗಳು ಭಾರತಕ್ಕೆ ಮರಳಿರುವುದನ್ನು ಪ್ರಧಾನಿ ನರೇಂದ್ರ ಮೋದಿ ಬುಧವಾರ ಶ್ಲಾಘಿಸಿದ್ದಾರೆ, ಇದು ದೇಶದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಗೆ ಹೆಮ್ಮೆ ಮತ್ತು ಸಂತೋಷದ ಕ್ಷಣವಾಗಿದೆ ಎಂದು ಬಣ್ಣಿಸಿದ್ದಾರೆ. ‘ವಿಕಾಸ ಭಿ ವಿರಾಸತ್ ಭಿ’ಯ ಸ್ಫೂರ್ತಿಯನ್ನು ಪ್ರತಿಬಿಂಬಿಸುತ್ತಾ, ಪ್ರಧಾನಮಂತ್ರಿಯವರು ಬುದ್ಧನ ಬೋಧನೆಗಳ ಬಗ್ಗೆ ಭಾರತದ ಆಳವಾದ ಗೌರವ ಮತ್ತು ಆಧ್ಯಾತ್ಮಿಕ ಮತ್ತು ಐತಿಹಾಸಿಕ ಪರಂಪರೆಗಳನ್ನು ಸಂರಕ್ಷಿಸುವ ಬದ್ಧತೆಯನ್ನು ಎತ್ತಿ ತೋರಿಸಿde ಎಂದಿದ್ದಾರೆ.
ಈ ಅವಶೇಷಗಳನ್ನು ಮೂಲತಃ 1898 ರಲ್ಲಿ ಇಂದಿನ ಉತ್ತರ ಪ್ರದೇಶದ ಸಿದ್ಧಾರ್ಥನಗರ ಜಿಲ್ಲೆಯಲ್ಲಿರುವ ಪಿಪ್ರಾಹ್ವಾ ಸ್ತೂಪದಿಂದ ಉತ್ಖನನ ಮಾಡಲಾಯಿತು. ಈ ಸ್ಥಳವು ಭಗವಾನ್ ಬುದ್ಧನ ತಾಯ್ನಾಡು ಪ್ರಾಚೀನ ಕಪಿಲವಸ್ತುವಿನ ಭಾಗವಾಗಿದೆ ಎಂದು ವ್ಯಾಪಕವಾಗಿ ನಂಬಲಾಗಿದೆ. ಪತ್ತೆಯಾಗಿರುವ ಅವಶೇಷಗಳಲ್ಲಿ ಮೂಳೆಯ ತುಣುಕುಗಳು, ಸ್ಫಟಿಕದ ಪೆಟ್ಟಿಗೆಗಳು, ಚಿನ್ನದ ಆಭರಣಗಳು ಮತ್ತು ಸಾಂಪ್ರದಾಯಿಕ ಬೌದ್ಧ ಆಚರಣೆಯ ಭಾಗವಾಗಿ ಸ್ತೂಪದಲ್ಲಿ ಇರಿಸಲಾದ ಇತರ ಕಾಣಿಕೆಗಳು ಸೇರಿವೆ. ಒಂದು ಪೆಟ್ಟಿಗೆಯ ಮೇಲಿನ ಬ್ರಾಹ್ಮಿ ಶಾಸನವು ಅವಶೇಷಗಳನ್ನು ನೇರವಾಗಿ ಭಗವಾನ್ ಬುದ್ಧನಿಗೆ ಸಂಬಂಧಿಸಿದೆ, ಈ ನಿಕ್ಷೇಪವು ಬುದ್ಧನ ಸ್ವಂತ ಬಂಧುಗಳಾದ ಶಾಕ್ಯ ಕುಲಕ್ಕೆ ಸೇರಿದೆ ಎಂದು ಹೇಳುತ್ತದೆ.
ಹೆಚ್ಚಿನ ಅವಶೇಷಗಳನ್ನು 1899 ರಲ್ಲಿ ಕೋಲ್ಕತ್ತಾದ ಭಾರತೀಯ ವಸ್ತುಸಂಗ್ರಹಾಲಯಕ್ಕೆ ಹಸ್ತಾಂತರಿಸಲಾಗಿದ್ದರೂ, ಒಂದು ಭಾಗವನ್ನು ಉತ್ಖನನದ ಮೇಲ್ವಿಚಾರಣೆ ವಹಿಸಿದ್ದ ಬ್ರಿಟಿಷ್ ವಸಾಹತು ಅಧಿಕಾರಿ ವಿಲಿಯಂ ಕ್ಲಾಕ್ಸ್ಟನ್ ಪೆಪ್ಪೆ ಅವರ ಕುಟುಂಬವು ಉಳಿಸಿಕೊಂಡಿತು. ಕಾಲಾನಂತರದಲ್ಲಿ, ಆ ಅವಶೇಷಗಳು ಈ ವರ್ಷದ ಆರಂಭದಲ್ಲಿ ಅಂತರರಾಷ್ಟ್ರೀಯ ಹರಾಜಿನಲ್ಲಿ ಹೊರಹೊಮ್ಮುವವರೆಗೂ ಖಾಸಗಿಯವರ ವಶದಲ್ಲಿಯೇ ಇದ್ದವು.
ಭಾರತೀಯ ಕಾನೂನಿನ ಅಡಿಯಲ್ಲಿ ಪ್ರಾಚೀನ ವಸ್ತುಗಳೆಂದು ವರ್ಗೀಕರಿಸಲ್ಪಟ್ಟ ಈ ಅವಶೇಷಗಳನ್ನು ಮಾರಾಟ ಮಾಡಲು ಅಥವಾ ರಫ್ತು ಮಾಡಲು ಸಾಧ್ಯವಿಲ್ಲ, ಹಾಗಾಗಿ ದೇಶದ ಸಂಸ್ಕೃತಿ ಸಚಿವಾಲಯವು ಸೋಥೆಬಿ ಹರಾಜನ್ನು ನಿಲ್ಲಿಸಲು ತಕ್ಷಣವೇ ಮಧ್ಯಪ್ರವೇಶಿಸಿ ಭಾರತದಿಂದ ಸಂಘಟಿತ ರಾಜತಾಂತ್ರಿಕ ಮತ್ತು ಕಾನೂನು ಪ್ರಯತ್ನಗಳೊಂದಿಗೆ, ಭಾರತವು ಹರಾಜನ್ನು ಯಶಸ್ವಿಯಾಗಿ ನಿಲ್ಲಿಸಿತ್ತು ಅಲ್ಲದೆ ಬುದ್ಧನ ಪವಿತ್ರ ಪಿಪ್ರಾಹ್ವಾ ಅವಶೇಷಗಳನ್ನು ಹಿಂದಿರುಗಿಸುವುದನ್ನು ಖಚಿತಪಡಿಸಿಕೊಂಡಿತ್ತು, ಈಗ ಪಿಪ್ರಾಹವಾ ಅವಶೇಷಗಳನ್ನು ಮರಳಿ ತರುವಲ್ಲಿ ಸರ್ಕಾರ ಯಶಸ್ವಿಯಾಗಿದೆ.
