Bangalore: ಬೆಂಗಳೂರು, ನವೆಂಬರ್ 21, 2025 ಈಕ್ಯೂಬ್(ಎನೇಬಲ್ಯಿಂಗ್ ಎವಲ್ಯೂಷನರಿ ಎಕ್ಸಲೆನ್ಸ್) ಕಾರ್ಯಕ್ರಮದ ಮೂಲಕ ನೈಜ ಜಗತ್ತಿಗೆ ಜೀವನ ಶಿಕ್ಷಣವನ್ನು ಅನ್ವಯಿಸುತ್ತಿರುವ ಯುವ ಸಮೂಹದ ಸಾಧನೆಯನ್ನು ಸಂಭ್ರಮಿಸುವ ಸ್ಯಾಪ್‌ ಚಾಂಪಿಯನ್ಸ್ ಪ್ರಶಸ್ತಿ 2025 ಬೆಂಗಳೂರಿನ ಮೀನಾಕ್ಷಿ ರಂಗಮಂಚ ಸಭಾಂಗಣದಲ್ಲಿ ನಡೆಯಿತು.
ಇದರಲ್ಲಿ 350ಕ್ಕೂ ಹೆಚ್ಚು ವಿದ್ಯಾರ್ಥಿಗಳು, ಶಿಕ್ಷಕರು, ಪೋಷಕರು ಮತ್ತು ಉದ್ಯಮ ದಿಗ್ಗಜರು ಕಾರ್ಯಕ್ರಮದಲ್ಲಿ ಭಾಗಿಯಾದರು. ಶಾಲಾ ಮಕ್ಕಳಲ್ಲಿ ಸಹಾನುಭೂತಿ, ಸಾಮಾಜಿಕ ಜಾಗೃತಿ ಮತ್ತು ನಾಯಕತ್ವವನ್ನು ಬೆಳೆಸಲು ವಿನ್ಯಾಸಗೊಳಿಸಲಾದ ಸಾಮಾಜಿಕ ಕ್ರಿಯಾ ಯೋಜನೆಗಳನ್ನು (ಸ್ಯಾಪ್‌) ಕೈಗೊಂಡ ವಿದ್ಯಾರ್ಥಿಗಳನ್ನು ವಾರ್ಷಿಕ ಪ್ರಶಸ್ತಿ ಸಮಾರಂಭದಲ್ಲಿ ಗುರುತಿಸಿ ಗೌರವಿಸಲಾಯಿತು.
ಐದು ರಾಜ್ಯಗಳಲ್ಲಿ ಈಕ್ಯೂಬ್ ಕಾರ್ಯಕ್ರಮದಲ್ಲಿ ಭಾಗಿಯಾದ 14,000ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಮತ್ತು 750 ಯೋಜನೆಗಳಿಂದ ಈ ವರ್ಷದ ಅಂತಿಮ ಸ್ಪರ್ಧಿಗಳನ್ನು ಆಯ್ಕೆ ಮಾಡಲಾಯಿತು.
ಪರಿಸರ ಸಂರಕ್ಷಣೆ, ಆರೋಗ್ಯ ಜಾಗೃತಿ, ಪ್ರಾಣಿ ಕಲ್ಯಾಣ, ಮಾನಸಿಕ ಆರೋಗ್ಯ, ಶಿಕ್ಷಣ, ಪೋಷಣೆ, ನೀರಿನ ಸಂರಕ್ಷಣೆ, ತ್ಯಾಜ್ಯ ನಿರ್ವಹಣೆ, ಸೇರ್ಪಡೆ ಮತ್ತು ಸಮುದಾಯ ಕಲ್ಯಾಣದಂತಹ ಸಮಸ್ಯೆಗಳನ್ನು ಪರಿಹರಿಸುವ ವೈವಿಧ್ಯಮಯ ಯೋಜನೆಗಳನ್ನು ಪ್ರಶಸ್ತಿ ವಿಜೇತರು ಪ್ರಸ್ತುತಪಡಿಸಿದರು.
EFIL ಶೈಕ್ಷಣಿಕ ಸೇವೆಗಳು ಮತ್ತು EQUBE ನ ಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಡಾ. ಜೆ. ಎಂ. ಸಂಪತ್ ಮಾತನಾಡಿ, “ಈ ಯುವ ಮನಸ್ಸುಗಳು ಸಹಾನುಭೂತಿ ಮತ್ತು ಸಾಮಾಜಿಕ ಅರಿವು ಕಲಿಸಬೇಕಾದ ವಿಷಯಗಳಲ್ಲ, ಬದಲಾಗಿ ಬದುಕಬೇಕಾದ ಮೌಲ್ಯಗಳು ಎಂಬುದನ್ನು ನಮಗೆ ನೆನಪಿಸುತ್ತವೆ.
SAP ಪ್ರಯಾಣವು ವಿದ್ಯಾರ್ಥಿಗಳು ಜಗತ್ತಿಗೆ ತಮ್ಮ ಜವಾಬ್ದಾರಿಯನ್ನು ಅರ್ಥಮಾಡಿಕೊಳ್ಳಲು ಮತ್ತು ಅದರ ಮೇಲೆ ದೃಢನಿಶ್ಚಯದಿಂದ ಕಾರ್ಯನಿರ್ವಹಿಸಲು ಅಧಿಕಾರ ನೀಡುತ್ತದೆ.” ಎಂದರು.
EFIL ಶೈಕ್ಷಣಿಕ ಸೇವೆಗಳ ಸ್ಥಾಪಕ ನಿರ್ದೇಶಕಿ ಮತ್ತು EQUBE ಕಾರ್ಯಕ್ರಮ ನಿರ್ದೇಶಕಿ ಡಾ. ಕಲ್ಪನಾ ಸಂಪತ್ ಮಾತನಾಡಿ “SAP ಮೂಲಕ, ವಿದ್ಯಾರ್ಥಿಗಳು ತಮಗಿಂತ ದೊಡ್ಡದಾದ ಜವಬ್ದಾರಿ ತೆಗೆದುಕೊಳ್ಳುತ್ತಿದ್ದಾರೆ’ ಎಂದರು.
ಚಾಂಪಿಯನ್ ಪ್ರಶಸ್ತಿ ಪ್ರದಾನ ಮಾಡಿದ ನಿವೃತ್ತ ಐಎಎಸ್ ಕೆ. ಜೈರಾಜ್ ಮತ್ತು ರನ್ನರ್ ಅಪ್ ತಂಡವನ್ನು ಸನ್ಮಾನಿಸಿದ ಸಂಹಿತಾ ಅಕಾಡೆಮಿಯ ಟ್ರಸ್ಟಿ ಆಶಾ ಥಾಮಸ್ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಪಿ & ಪಿ ಗ್ರೂಪ್ ಸಂಸ್ಥಾಪಕಿ ರೂಪಾಂಡೆ ಪದಕಿ ಅವರು ಈಕ್ಯೂಬ್ ಅಲುಮ್ನಿ ಪ್ರಶಸ್ತಿಯನ್ನು ಪ್ರದಾನ ಮಾಡಿದರೆ, ನಟ, ನಿರ್ದೇಶಕ ಮತ್ತು ಸಮಾಜ ಸೇವಕಿ ಅನಿರುದ್ಧ ಜಟ್ಕರ್ ಅವರು ಚೇಂಜ್ ಮೇಕರ್ಸ್ ಕಾಂಪೆಂಡಿಯಂ ಅನ್ನು ಉದ್ಘಾಟಿಸಿದರು.
