ಸಂಕಷ್ಟದಲ್ಲಿರುವ ‘ಯುನಿಕ್ವಸ್ ಟೆಕ್’ ಎಂಬ ಸ್ಟಾರ್ಟಪ್ ಕಂಪನಿಯ ಸುತ್ತ ಸಾಗುವ ಈ ಕಥೆಯಲ್ಲಿ, ಮಹತ್ವಾಕಾಂಕ್ಷಿ ಡಿಸೈನರ್ ನಿತ್ಯಾ ಹಾಗೂ ಜವಾಬ್ದಾರಿಯುತ ಪ್ರಾಡಕ್ಟ್ ಹೆಡ್ ಅರ್ಜುನ್ ಜೋಡಿಯಾಗಿ ಸಿತಾರಾ ದಾಸ್ ಮತ್ತು ಪ್ರಣವ್ ಶ್ರೀಧರ್ ನಟಿಸಿದ್ದಾರೆ. ಕಚೇರಿಯ ಕಟ್ಟುಪಾಡುಗಳು ಹಾಗೂ ವೃತ್ತಿಜೀವನದ ಸವಾಲುಗಳ ನಡುವೆ ಇವರಿಬ್ಬರ ಸಂಬಂಧ ಎದುರಿಸುವ ಪರೀಕ್ಷೆಗಳನ್ನು ಕಥೆಯಲ್ಲಿ ನೈಜವಾಗಿ ಕಟ್ಟಿಕೊಡಲಾಗಿದೆ. ಹಿರಿಯ ನಟಿ ಪ್ರಿಯಾಂಕಾ ಉಪೇಂದ್ರ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.

ಈ ಬಗ್ಗೆ ಮಾತನಾಡಿದ ಝೀ5 ಕನ್ನಡದ ಬಿಸಿನೆಸ್ ಹೆಡ್ ದೀಪಕ್ ಶ್ರೀರಾಮುಲು, “ಇದು ಕನ್ನಡದ ಮೊದಲ ದೀರ್ಘ ಸ್ವರೂಪದ ಪ್ರೇಮಕಥಾ ಸರಣಿಯಾಗಿದ್ದು, ಇಂದಿನ ಜಗತ್ತಿನಲ್ಲಿ ಪ್ರೀತಿ ಹಾಗೂ ವೃತ್ತಿಪರ ಯಶಸ್ಸನ್ನು ಸರಿದೂಗಿಸುವ ಸಂಕೀರ್ಣತೆಯನ್ನು ಪರಿಣಾಮಕಾರಿಯಾಗಿ ತೆರೆದಿಡಲಿದೆ,” ಎಂದಿದ್ದಾರೆ. ಕೆಲಸದ ಸ್ಥಳದ ಬಾಂಧವ್ಯ ಮತ್ತು ಕಷ್ಟ-ಸುಖಗಳನ್ನು ಅತ್ಯಂತ ಹತ್ತಿರದಿಂದ ನಿರೂಪಿಸಿರುವ ಈ ವೆಬ್ ಸರಣಿಯು ಶೀಘ್ರದಲ್ಲೇ ಝೀ5 ಪ್ಲಾಟ್‌ಫಾರ್ಮ್‌ನಲ್ಲಿ ಪ್ರಸಾರವಾಗಲಿದೆ.

The post ಝೀ5ನಿಂದ ‘ಕಾರ್ಪೊರೇಟ್ ಲವ್ ಸ್ಟೋರಿ’ ವೆಬ್ ಸರಣಿ ಘೋಷಣೆ: ಪನ್ನಗ ಭರಣ ನಿರ್ದೇಶನದ ಪ್ರೇಮಕಥೆ! appeared first on Samyukta Karnataka.