ಈ ಘಟನೆಯನ್ನು ಬಳಸಿಕೊಂಡ ಸ್ಪರ್ಧಿ ಸೌಂದರ್ಯಾ ಶೆಟ್ಟಿ, ಗಾನವಿ ಅವರನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡರು. ಟಾಸ್ಕ್‌ನಲ್ಲಿ ಸೋಲುವ ಭಯ ಎದುರಾದಾಗ ಮತ್ತು ಆಡಲು ಸಾಧ್ಯವಾಗದ ಸಂದರ್ಭದಲ್ಲಿ ಗಾನವಿ ಈ ರೀತಿಯ ನಾಟಕ ಆಡುತ್ತಾರೆ ಎಂದು ಸೌಂದರ್ಯಾ ನೇರವಾಗಿ ಆರೋಪಿಸಿ, “ನೀವು ಕೋಮಾದಲ್ಲಿದ್ರಿ” ಎಂದು ವ್ಯಂಗ್ಯವಾಡುವ ಮೂಲಕ ಅವರ ನಾಟಕವನ್ನು ಬಯಲಿಗೆಳೆದರು.

ಇದೇ ಟಾಸ್ಕ್ ವೇಳೆ ಮತ್ತೊಂದು ಮಜೆಯ ಘಟನೆಯೂ ನಡೆಯಿತು. ಆಟ ಆಡುವಾಗ ಗಾನವಿಯ ಹಲ್ಲು ಸೌಂದರ್ಯಾ ಅವರ ಮುಖಕ್ಕೆ ತಕ್ಕಮಟ್ಟಿಗೆ ತಗುಲಿದೆ. ಇದರಿಂದ ಗಾಬರಿಗೊಂಡ ಸೌಂದರ್ಯಾ, ಗಾನವಿಯನ್ನು ಮನೆಯಲ್ಲಿ ಎಲ್ಲರೂ ‘ಹಾವು’ ಎಂದು ಕರೆಯುವುದನ್ನು ನೆನಪಿಸಿಕೊಂಡು, ತಮಗೆ ಹಾವು ಕಡಿದಿದೆ ಎಂದು ನೇರವಾಗಿ ವೈದ್ಯರ ಬಳಿಯೇ ಅಳಲು ತೋಡಿಕೊಂಡರು. ಗಂಭೀರ ಪರಿಸ್ಥಿತಿ ಎಂದು ಧಾವಿಸಿ ಬಂದ ವೈದ್ಯರಿಗೆ ಇದು ಸ್ಪರ್ಧಿಗಳ ಚೇಷ್ಟೆ ಎಂಬುದು ತಿಳಿದು ಅಚ್ಚರಿಯಾಯ್ತು. ಒಟ್ಟಿನಲ್ಲಿ ಈ ಎಲ್ಲಾ ಸಣ್ಣಪುಟ್ಟ ಘಟನೆಗಳನ್ನು ತಮ್ಮ ಆಟಕ್ಕೆ ಪೂರಕವಾಗಿ ಬಳಸಿಕೊಳ್ಳುತ್ತಿರುವ ಸೌಂದರ್ಯಾ ಶೆಟ್ಟಿ, ದೊಡ್ಮನೆಯಲ್ಲಿ ಸಖತ್ ಮೈಲೇಜ್ ಪಡೆದುಕೊಳ್ಳುತ್ತಿದ್ದಾರೆ.

The post ಬಿಗ್ ಬಾಸ್ ಮನೆಯಲ್ಲಿ ಗಾನವಿ ‘ಕೋಮಾ ಡ್ರಾಮಾ’: ಶೆಟ್ಟಿ ವ್ಯಂಗ್ಯ ವೈದ್ಯರ ಮುಂದೆಯೇ ಮಜವಾದ ನಾಟಕ! appeared first on Samyukta Karnataka.