ವಂಚನೆ ನಡೆದಿದ್ದು ಹೇಗೆ?: ಸುದ್ದಿ ಪ್ರಕಾರ, ಈ ಸೈಬರ್ ಅಪರಾಧ ಸಿಂಡಿಕೇಟ್ ಆಗಸ್ಟ್ 2023 ಮತ್ತು ಏಪ್ರಿಲ್ 2025 ರ ನಡುವೆ ಅತ್ಯಾಧುನಿಕ ತಂತ್ರಜ್ಞಾನ ಬಳಸಿ ಕಾರ್ಯನಿರ್ವಹಿಸುತ್ತಿತ್ತು. ಬಜೆಟ್ ಮೊಬೈಲ್ ಫೋನ್ ವಾಹಕಗಳ ವೆಬ್‌ಸೈಟ್‌ಗಳನ್ನು ಹ್ಯಾಕ್ ಮಾಡುವ ಮೂಲಕ ವೈಯಕ್ತಿಕ ಡೇಟಾವನ್ನು ಕದಿಯುತ್ತಿದ್ದ ಈ ಗುಂಪು, ಕದ್ದ ಗುರುತಿನ ಚೀಟಿಗಳ ಮೂಲಕ ನಕಲಿ ಬ್ಯಾಂಕ್ ಖಾತೆಗಳು ಮತ್ತು ಕ್ರಿಪ್ಟೋಕರೆನ್ಸಿ ವ್ಯಾಲೆಟ್‌ಗಳನ್ನು ತೆರೆಯುತ್ತಿತ್ತು. ಜಂಗ್‌ಕುಕ್ ಮಿಲಿಟರಿ ಸೇವೆಯಲ್ಲಿದ್ದ ಅವಧಿಯನ್ನು ಬಳಸಿಕೊಂಡ ಹ್ಯಾಕರ್‌ಗಳು, ಹೆಸರಿನಲ್ಲಿ ಮೋಸದ ಬೋಕರೇಜ್ ಖಾತೆಗಳನ್ನು ತೆರೆದು ಸುಮಾರು $6 ಮಿಲಿಯನ್ ಮೌಲ್ಯದ 33,500 HYBE ಷೇರುಗಳನ್ನು ವರ್ಗಾಯಿಸಲು ಯತ್ನಿಸಿದ್ದರು.

ತಪ್ಪಿದ ಭಾರಿ ನಷ್ಟ: HYBE ಮತ್ತು ಬಿಗ್ ಹಿಟ್ ಮ್ಯೂಸಿಕ್ ಸಂಸ್ಥೆಗಳು ಸಮಯಪ್ರಜ್ಞೆ ಮೆರೆದು ಈ ಅನುಮಾನಾಸ್ಪದ ವಹಿವಾಟನ್ನು ತಕ್ಷಣವೇ ಪತ್ತೆಹಚ್ಚಿ ಸ್ಥಗಿತಗೊಳಿಸಿದವು. ಇದರಿಂದಾಗಿ ಯಾವುದೇ ಆರ್ಥಿಕ ನಷ್ಟ ಸಂಭವಿಸಲಿಲ್ಲ. ನಂತರ ಜಂಗ್‌ಕುಕ್ ಕಾನೂನು ಹೋರಾಟದ ಮೂಲಕ ತಮ್ಮ ಎಲ್ಲಾ ಷೇರುಗಳನ್ನು ಮರಳಿ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಹಲವರನ್ನು ಬಂಧಿಸಲಾಗಿದ್ದು, ಸೈಬರ್ ಜಾಲದ ಮತ್ತೊಬ್ಬ ಪ್ರಮುಖ ಆರೋಪಿಯ ವಿಚಾರಣೆ ಪ್ರಗತಿಯಲ್ಲಿದೆ.

ವಿಶ್ವ ಪ್ರವಾಸದಲ್ಲಿ BTS ಬ್ಯುಸಿ: ತವರಿನಲ್ಲಿ ಇಷ್ಟೆಲ್ಲಾ ಕಾನೂನು ಗೊಂದಲಗಳಿದ್ದರೂ, ಜಂಗ್‌ಕುಕ್ ಮತ್ತು ಅವರ ತಂಡದ ಸದಸ್ಯರು ತಮ್ಮ ‘ARIRANG’ ವಿಶ್ವ ಪ್ರವಾಸದಲ್ಲಿ ಸಕ್ರಿಯರಾಗಿದ್ದಾರೆ. ಮೇ 10ರಂದು ಮೆಕ್ಸಿಕೋ ನಗರದಲ್ಲಿ ಯಶಸ್ವಿ ಪ್ರದರ್ಶನ ಮುಗಿಸಿರುವ ತಂಡವು ಅಲ್ಲಿನ ಅಧ್ಯಕ್ಷೆ ಕ್ಲೌಡಿಯಾ ಶೀನ್‌ಬಾಮ್ ಅವರನ್ನು ಭೇಟಿಯಾಗಿತ್ತು. ಇದೀಗ ಈ ಪ್ರವಾಸವು ಅಮೆರಿಕಕ್ಕೆ ಸ್ಥಳಾಂತರಗೊಳ್ಳಲಿದ್ದು, ಈ ಶನಿವಾರ ಕ್ಯಾಲಿಫೋರ್ನಿಯಾದ ಸ್ಟ್ಯಾನ್‌ಫೋರ್ಡ್ ಕ್ರೀಡಾಂಗಣದಲ್ಲಿ ಸಂಗೀತ ಕಾರ್ಯಕ್ರಮ ನಡೆಯಲಿದೆ.

The post BTS ಜಂಗ್‌ಕುಕ್‌ಗೆ ವಂಚಿಸಲು ಯತ್ನಿಸಿದ್ದ ಹ್ಯಾಕಿಂಗ್ ಮಾಸ್ಟರ್‌ಮೈಂಡ್ ಥೈಲ್ಯಾಂಡ್‌ನಲ್ಲಿ ಬಂಧನ: ದಕ್ಷಿಣ ಕೊರಿಯಾಕ್ಕೆ ಹಸ್ತಾಂತರ appeared first on Samyukta Karnataka.