ಸಾಮಾಜಿಕ ಮಾಧ್ಯಮಗಳಲ್ಲಿ ಈ ಕುರಿತು ಪೋಸ್ಟ್ ಹಂಚಿಕೊಂಡಿರುವ ವಾಹಿನಿಯು, “ವಿಶೇಷದ ಜೊತೆ ಈ ವರ್ಷ ಬಹುಬೇಗ ಕನ್ನಡಿಗರ ಹಬ್ಬ ಆರಂಭವಾಗುತ್ತಿದೆ” ಎಂದು ಬರೆದುಕೊಂಡಿದೆ. ಸಾಮಾನ್ಯವಾಗಿ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ತಿಂಗಳಿನಲ್ಲಿ ಆರಂಭವಾಗುತ್ತಿದ್ದ ಈ ಶೋ, ಈ ಬಾರಿ ಅದಕ್ಕೂ ಮುನ್ನವೇ ಪ್ರೇಕ್ಷಕರನ್ನು ರಂಜಿಸಲು ಸಜ್ಜಾಗುತ್ತಿದೆ. ಕಳೆದ ಸೀಸನ್ 1 ರಿಂದ 12 ರವರೆಗೆ ನಟ ‘ಕಿಚ್ಚ’ ಸುದೀಪ್ ಸಾರಥ್ಯದಲ್ಲಿ ಯಶಸ್ವಿಯಾಗಿ ನಡೆದಿತ್ತು. ಆದ್ರೆ ಈ ಬಾರಿ ಯಾರು ನಿರೂಪಣೆ ಮಾಡಲಿದ್ದಾರೆ, ಶೋ ಯಾವಾಗ ಆರಂಭವಾಗಲಿದೆ, ಸ್ಪರ್ಧಿಗಳು ಯಾರು ಮತ್ತು ಯಾವ ಥೀಮ್ ಇರಲಿದೆ ಎಂಬ ಅಧಿಕೃತ ಮಾಹಿತಿಗಳನ್ನು ವಾಹಿನಿ ಇನ್ನು ಬಿಟ್ಟುಕೊಟ್ಟಿಲ್ಲ. ಆದ್ರೂ ಬಿಡುಗಡೆಯಾಗಿರುವ ಹೊಸ ಪ್ರೊಮೊ ಪ್ರೇಕ್ಷಕರಲ್ಲಿ ಭಾರೀ ಕುತೂಹಲ ಮೂಡಿಸಿದೆ.

ಕಳೆದ ಸೀಸನ್ 12ರ ಧಮಾಕಾ: ಇನ್ನು ಬಿಗ್‌ಬಾಸ್‌ನ ಕಳೆದ 12ನೇ ಆವೃತ್ತಿಯು ಸೆಪ್ಟೆಂಬರ್ 28 ರಂದು ಅತ್ಯಂತ ಅದ್ಧೂರಿಯಾಗಿ ಆರಂಭವಾಗಿತ್ತು. ಮನೆಯೊಳಗೆ ಕಾಕ್ರೋಚ್ ಸುಧಿ, ನಟಿ ಕಾವ್ಯ ಶೈವ, ಡಾಗ್ ಸತೀಶ್, ಗಿಲ್ಲಿ ನಟ, ಜಾನ್ವಿ, ಧನುಷ್ ಗೌಡ, ಚಂದ್ರಪ್ರಭ, ಮಂಜು ಭಾಷಿಣಿ, ರಾಶಿಕಾ ಶೆಟ್ಟಿ, ಅಭಿಷೇಕ್, ಮಲ್ಲಮ್ಮ, ಅಶ್ವಿನಿ ಎಸ್.ಎನ್, ಧ್ರುವಂತ್, ರಕ್ಷಿತಾ ಶೆಟ್ಟಿ, ಕರಿಬಸಪ್ಪ, ಅಶ್ವಿನಿ ಹಾಗೂ ಸ್ಪಂದನಾ ಸ್ಪರ್ಧಿಗಳಾಗಿ ಭಾಗವಹಿಸಿದ್ದರು. ಇವರೊಂದಿಗೆ ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ರಿಷಾ ಗೌಡ, ಸೂರಜ್ ಸಿಂಗ್ ಮತ್ತು ಮ್ಯೂಟಂಟ್ ರಘು ಕೂಡ ಮನೆ ಪ್ರವೇಶಿಸಿ ರಂಜಿಸಿದ್ದರು.

ಸುಮಾರು ಮೂರೂವರೆ ತಿಂಗಳುಗಳ ಕಾಲ ರೋಚಕವಾಗಿ ಸಾಗಿದ್ದ ‘ಬಿಗ್‌ಬಾಸ್ ಸೀಸನ್ 12’ ರ ಗ್ರಾಂಡ್ ಫಿನಾಲೆ ಜನವರಿ 18 ರಂದು ಜರುಗಿತ್ತು. ತೀವ್ರ ಪೈಪೋಟಿಯ ನಡುವೆ ‘ಗಿಲ್ಲಿ’ ಸೀಸನ್ 12ರ ವಿಜೇತರಾಗಿ (ಟ್ರೋಫಿ) ಹೊರಹೊಮ್ಮಿದರೆ, ರಕ್ಷಿತಾ ಶೆಟ್ಟಿ ರನ್ನರ್ ಅಪ್ ಸ್ಥಾನ ಪಡೆದುಕೊಂಡಿದ್ದರು. ಇದೀಗ ಸೀಸನ್ 12 ಮುಗಿದ ಕೆಲವೇ ತಿಂಗಳುಗಳಲ್ಲಿ ಸೀಸನ್ 13 ರ ಪ್ರೊಮೊ ಹೊರಬಂದಿರುವುದು ಬಿಗ್‌ಬಾಸ್ ಅಭಿಮಾನಿಗಳಲ್ಲಿ ಸಖತ್ ಕ್ರೇಜ್ ಸೃಷ್ಟಿಸಿದೆ.

The post ʻಬಿಗ್ ಬಾಸ್ ಸೀಸನ್‌13ʼ ಅತೀ ಶೀಘ್ರದಲ್ಲಿ: ಯಾವಾಗಿನಿಂದ ಆರಂಭ; ಈ ಬಾರಿ ಸ್ಪರ್ಧಿಗಳು ಯಾರು? ಇಲ್ಲಿದೆ ಡೀಟೇಲ್ಸ್ appeared first on Samyukta Karnataka.

ಈ ಚಿತ್ರದಲ್ಲಿ ಯುವ ಪ್ರತಿಭೆ ನಟ ವಿನಯ್ ರಾಜ್‌ಕುಮಾರ್ ನಾಯಕನಾಗಿ ನಟಿಸಿದ್ದು, ವಿಶೇಷವೆಂದರೆ ದುನಿಯಾ ವಿಜಯ್ ಪುತ್ರಿ ಮೋನಿಶಾ ವಿಜಯ್ ಕುಮಾರ್ ಈ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಪದಾರ್ಪಣೆ ಮಾಡಿದ್ದಾರೆ. ಇಂದು ಬಿಡುಗಡೆಯಾದ ಹಾಡಿನಲ್ಲಿ “ನಮ್ಮನ್ನ ಬದುಕೋಕೆ ಬಿಡ್ರೂ” ಎಂಬ ಸಾಲುಗಳು ಕೇಳಿಬರುತ್ತಿದ್ದು, ಯುವಜನತೆಯ ಗಮನ ಸೆಳೆಯುತ್ತಿವೆ. ಸ್ವತಃ ವಿಜಯ್ ಸಾಹಿತ್ಯ ಬರೆದಿರುವ ‘ಭಾವಾ ಭಾವಾ’ ಎಂಬ ಈ ರ್ಯಾಪ್ ಸಾಂಗ್ ಸದ್ಯ ಸಖತ್ ವೈರಲ್ ಆಗುತ್ತಿದೆ.

ಈ ಹಿಂದೆ ವಿಜಯ್ ನಿರ್ದೇಶನದ ‘ಭೀಮಾ’ ಚಿತ್ರದ ರ್ಯಾಪ್ ಹಾಡುಗಳು ರಾಜ್ಯಾದ್ಯಂತ ದೊಡ್ಡ ಮಟ್ಟದ ಸದ್ದು ಮಾಡಿದ್ದವು. ಅದೇ ಹಾದಿಯಲ್ಲಿ ‘ಸಿಟಿ ಲೈಟ್ಸ್’ ಚಿತ್ರದ ಈ ಹಾಡು ಕೂಡ ಯೂಟ್ಯೂಬ್ ಮತ್ತು ಇನ್‌ಸ್ಟಾಗ್ರಾಮ್ ರೀಲ್ಸ್‌ಗಳಲ್ಲಿ ಧೂಳೆಬ್ಬಿಸುತ್ತಿದೆ. ವಿಜಯ್ ವಿಭಿನ್ನ ಮೇಕಿಂಗ್ ಮತ್ತು ಮಾಸ್ ಶೈಲಿಯ ಸಾಹಿತ್ಯ ಅಭಿಮಾನಿಗಳಲ್ಲಿ ಕುತೂಹಲವನ್ನು ಇಮ್ಮಡಿಗೊಳಿಸಿದೆ.

ಹಾಡು ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ಚಿತ್ರತಂಡ, ಸಿನಿಮಾದ ಕಥಾಹಂದರದ ಬಗ್ಗೆ ಸಣ್ಣ ಸುಳಿವು ನೀಡಿದೆ. ‘ಸಿಟಿ ಲೈಟ್ಸ್’ ಕೇವಲ ಮನರಂಜನೆಗೆ ಸೀಮಿತವಾಗದೆ, ಸಮಾಜದಲ್ಲಿ ಹೆಣ್ಣುಮಕ್ಕಳು ಎದುರಿಸುವ ಸವಾಲುಗಳು ಮತ್ತು ಜಾಗೃತಿ ಮೂಡಿಸುವಂತಹ ಅಂಶಗಳನ್ನು ಒಳಗೊಂಡಿದೆ. ಸಮಾಜಕ್ಕೆ ಒಂದು ಉತ್ತಮ ಸಂದೇಶ ನೀಡುವ ಉದ್ದೇಶದಿಂದ ಈ ಸಿನಿಮಾ ರೂಪಿಸಲಾಗಿದೆ ಎಂದು ನಿರ್ದೇಶಕ ವಿಜಯ್ ತಿಳಿಸಿದ್ದಾರೆ. ವಿನಯ್ ರಾಜ್‌ಕುಮಾರ್ ಹೊಸ ಅವತಾರ ನೋಡಲು ಅಭಿಮಾನಿಗಳು ಈಗಿನಿಂದಲೇ ಕಾತರರಾಗಿದ್ದಾರೆ.

The post ಹ್ಯಾಟ್ರಿಕ್ ಗೆಲುವಿನತ್ತ ದುನಿಯಾ ವಿಜಯ್: ಗಮನ ಸೆಳೆಯುತ್ತಿದೆ ‘ಸಿಟಿ ಲೈಟ್ಸ್’ ಚಿತ್ರದ ಹೊಸ ಹಾಡು appeared first on Samyukta Karnataka.