filmkannada Archives - Samyukta Karnataka https://samyuktakarnataka.in/tag/filmkannada/ News that connects you to Karnataka since 1921 Mon, 09 Mar 2026 13:32:53 +0000 en-US hourly 1 https://wordpress.org/?v=7.0 https://samyuktakarnataka.in/wp-content/uploads/2025/07/SK-FAVICON-150x146.jpg filmkannada Archives - Samyukta Karnataka https://samyuktakarnataka.in/tag/filmkannada/ 32 32 ರೇಣುಕಾಸ್ವಾಮಿ ಕೇಸ್ ಬೆಳ್ಳಿ ತೆರೆ ಮೇಲೆ ಬರ್ತಾ ಇದ್ಯಾ? ಯಾರು ಈ ಬಾಸ್? ಏನಿದು ಕ್ರೈಂ ಸಿನಿಮಾ ಸುಳಿವು? https://samyuktakarnataka.in/entertainment/similarities-to-the-renukaswamy-murder-case-the-teaser-of-the-film-boss/ Mon, 09 Mar 2026 13:32:52 +0000 https://samyuktakarnataka.in/?p=93066 ಬೆಂಗಳೂರು: ಸ್ಯಾಂಡಲ್‌ವುಡ್‌ನಲ್ಲಿ ಸದ್ಯ ‘ಬಾಸ್’ ಎಂಬ ಹೆಸರಿನ ಹೊಸ ಚಿತ್ರವೊಂದು ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಈ ಹಿಂದೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯಲ್ಲಿ ‘ಬಾಸ್’ ಸಿನಿಮಾ ಬಂದಿತ್ತು. ಇದೀಗ ಅದೇ ಶೀರ್ಷಿಕೆಯಡಿ ಮತ್ತೊಂದು ಸಿನಿಮಾ ಸದ್ದಿಲ್ಲದೆ ಶೂಟಿಂಗ್ ಮುಗಿಸಿ, ಇಂದು (ಮಾರ್ಚ್ 9) ತನ್ನ ಟೀಸರ್ ಬಿಡುಗಡೆ ಮಾಡುವ ಮೂಲಕ ಕುತೂಹಲ ಮೂಡಿಸಿದೆ. ಆದ್ರೆ ಈ ಟೀಸರ್ ನೋಡಿದ ಪ್ರೇಕ್ಷಕರಿಗೆ ರಾಜ್ಯವನ್ನೇ ನಡುಗಿಸಿದ್ದ ‘ರೇಣುಕಾಸ್ವಾಮಿ ಹತ್ಯೆ ಪ್ರಕರಣ’ ನೆನಪು ಮಾಡಿರುವುದು ವಿಶೇಷ ಎನ್ನಲಾಗುತ್ತಿದೆ. ಟೀಸರ್‌ನಲ್ಲಿರುವ ಬೆಚ್ಚಿಬೀಳಿಸುವ ಸಾಮ್ಯತೆಗಳುಚಿತ್ರದ […]

The post ರೇಣುಕಾಸ್ವಾಮಿ ಕೇಸ್ ಬೆಳ್ಳಿ ತೆರೆ ಮೇಲೆ ಬರ್ತಾ ಇದ್ಯಾ? ಯಾರು ಈ ಬಾಸ್? ಏನಿದು ಕ್ರೈಂ ಸಿನಿಮಾ ಸುಳಿವು? appeared first on Samyukta Karnataka.

]]> ಬೆಂಗಳೂರು: ಸ್ಯಾಂಡಲ್‌ವುಡ್‌ನಲ್ಲಿ ಸದ್ಯ ‘ಬಾಸ್’ ಎಂಬ ಹೆಸರಿನ ಹೊಸ ಚಿತ್ರವೊಂದು ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಈ ಹಿಂದೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯಲ್ಲಿ ‘ಬಾಸ್’ ಸಿನಿಮಾ ಬಂದಿತ್ತು. ಇದೀಗ ಅದೇ ಶೀರ್ಷಿಕೆಯಡಿ ಮತ್ತೊಂದು ಸಿನಿಮಾ ಸದ್ದಿಲ್ಲದೆ ಶೂಟಿಂಗ್ ಮುಗಿಸಿ, ಇಂದು (ಮಾರ್ಚ್ 9) ತನ್ನ ಟೀಸರ್ ಬಿಡುಗಡೆ ಮಾಡುವ ಮೂಲಕ ಕುತೂಹಲ ಮೂಡಿಸಿದೆ. ಆದ್ರೆ ಈ ಟೀಸರ್ ನೋಡಿದ ಪ್ರೇಕ್ಷಕರಿಗೆ ರಾಜ್ಯವನ್ನೇ ನಡುಗಿಸಿದ್ದ ‘ರೇಣುಕಾಸ್ವಾಮಿ ಹತ್ಯೆ ಪ್ರಕರಣ’ ನೆನಪು ಮಾಡಿರುವುದು ವಿಶೇಷ ಎನ್ನಲಾಗುತ್ತಿದೆ.

ಟೀಸರ್‌ನಲ್ಲಿರುವ ಬೆಚ್ಚಿಬೀಳಿಸುವ ಸಾಮ್ಯತೆಗಳು
ಚಿತ್ರದ ಟೀಸರ್ ಆರಂಭದಲ್ಲೇ ‘ನೈಜ ಘಟನೆಗಳಿಂದ ಸ್ಫೂರ್ತಿ ಪಡೆದಿದೆ’ ಎಂಬ ಸಾಲು ಮೂಡಿಬರುತ್ತದೆ. ಇದಾದ ಬಳಿಕ ಬರುವ ದೃಶ್ಯಗಳು ರೇಣುಕಾಸ್ವಾಮಿ ಪ್ರಕರಣದ ವರದಿಗಳನ್ನು ಹೋಲುವಂತಿದೆ.

ಪ್ರಮುಖವಾಗಿ ಈ ಚಿತ್ರದಲ್ಲಿ ಗಮನ ಸೇಳೆದಿರುವುದು ಮತ್ತು ಚರ್ಚೆಗೆ ಕಾರಣವಾದ್ದೇ ಈ ಮುಖ್ಯ ಸಂಗತಿಗಳು ಎನ್ನಲಾಗುತ್ತಿದೆ.

ಆಕ್ರಂದನದ ಧ್ವನಿ: “ನಮ್ಮ ಅಪ್ಪ-ಅಮ್ಮನಿಗೆ ವಯಸ್ಸಾಗಿದೆ, ಹೆಂಡತಿ ಪ್ರೆಗ್ನೆಂಟ್.. ನನ್ನ ಬಿಟ್ಟುಬಿಡಿ” ಎಂದು ವ್ಯಕ್ತಿಯೊಬ್ಬ ಕಿರುಚಾಡುವ ಧ್ವನಿ ಕೇಳಿಸುತ್ತದೆ.
ಶೆಡ್ ಮತ್ತು ಶವ: ಶೆಡ್‌ನಲ್ಲಿ ವ್ಯಕ್ತಿಯ ಮೇಲೆ ಹಲ್ಲೆ ಮಾಡುವುದು, ಕಾರಿನಲ್ಲಿ ಹೆಣ ಸಾಗಿಸುವುದು ಮತ್ತು ಮೋರಿ ಬಳಿ ಅನಾಥ ಶವ ಸಿಗುವ ದೃಶ್ಯಗಳು ಟೀಸರ್‌ನಲ್ಲಿ ಹೈಲೈಟ್ ಆಗಿವೆ.
ಪಾತ್ರಗಳ ಚಿತ್ರಣ: ಕಾರಿನಿಂದ ಇಳಿಯುವ ‘ಶೀಲಾ’ ಎಂಬ ಪಾತ್ರ ಮತ್ತು ಪೊಲೀಸ್ ವಿಚಾರಣೆ ವೇಳೆ ನಟ ತಾನು “ಇನ್ನೊಸೆಂಟ್” ಎಂದು ಹೇಳುವುದು ನೋಡುಗರಿಗೆ ದರ್ಶನ್ ಪ್ರಕರಣದ ಕನೆಕ್ಷನ್ ಕೊಡುತ್ತಿದೆ.

ಇದು ದರ್ಶನ್ ಕಥೆಯೇ? ನಿರ್ದೇಶಕರ ಸ್ಪಷ್ಟನೆ ಇಲ್ಲಿದೆ:
ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಪರ-ವಿರೋಧ ಚರ್ಚೆಗಳು ಶುರುವಾಗುತ್ತಿದ್ದಂತೆ, ಚಿತ್ರದ ನಿರ್ದೇಶಕ ವಿ. ಲವ ಸ್ಪಷ್ಟನೆ ನೀಡಿದ್ದಾರೆ. ಬಿಎ ಎಲ್‌ಎಲ್‌ಬಿ ಪದವೀಧರರಾಗಿರುವ ಲವ ಹೇಳುವಂತೆ, “ಇದು ನಟ ದರ್ಶನ್ ಪ್ರಕರಣವಲ್ಲ. ಸಿನಿಮಾ ನೋಡಿದಾಗ ನಿಮಗೆ ಇದು ನಿಜವೋ ಅಥವಾ ಕಾಲ್ಪನಿಕವೋ ಎಂಬುದು ತಿಳಿಯುತ್ತದೆ. ನಾನು ಕೂಡ ದರ್ಶನ್ ಸರ್ ಅಭಿಮಾನಿ. ಎರಡು-ಮೂರು ವರ್ಷಗಳ ಹಿಂದೆಯೇ ಸಿದ್ಧಪಡಿಸಿದ ಕಥೆಯ ಎಳೆಯನ್ನು ಇಟ್ಟುಕೊಂಡು ಈ ಸಿನಿಮಾ ಮಾಡಿದ್ದೇವೆ. ವಿಚಾರಣೆ ನಡೆಯುತ್ತಿರುವ ಪ್ರಕರಣದ ಮೇಲೆ ಸಿನಿಮಾ ಮಾಡುವ ಉದ್ದೇಶ ನಮಗಿಲ್ಲ” ಎಂದಿದ್ದಾರೆ.

ಚಿತ್ರತಂಡದ ವಿವರ: ಸಿರಿ ಪ್ರೊಡಕ್ಷನ್ಸ್ ಅಡಿಯಲ್ಲಿ ನಿರ್ಮಾಣವಾಗಿರುವ ಈ ಚಿತ್ರದಲ್ಲಿ ತನುಷ್ ಶಿವಣ್ಣ ‘ಬಾಸ್’ ಹಾಗೂ ದೊಡ್ಡ ನಟನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ಸ್ವತಃ ನಿರ್ದೇಶಕ ಲವ ಅವರೇ ಬರೆದಿದ್ದಾರೆ.

ಒಟ್ಟಾರೆಯಾಗಿ ನಿರ್ದೇಶಕರು ಇದು ಕೇವಲ ಕಾಲ್ಪನಿಕ ಎನ್ನುತ್ತಿದ್ದರೂ, ಟೀಸರ್‌ನಲ್ಲಿರುವ ದೃಶ್ಯಗಳು ಮತ್ತು ಸಂಭಾಷಣೆಗಳು ಮಾತ್ರ ರೇಣುಕಾಸ್ವಾಮಿ ಪ್ರಕರಣವನ್ನೇ ಬಿಂಬಿಸುತ್ತಿವೆ ಎಂಬುದು ಸದ್ಯದ ಸಾರ್ವಜನಿಕ ಅಭಿಪ್ರಾಯ. ಒಟ್ಟಿನಲ್ಲಿ, ಚಿತ್ರ ಬಿಡುಗಡೆಯಾದ ನಂತರವಷ್ಟೇ ಈ ರಹಸ್ಯ ಹೊರಬೀಳಬೇಕಿದೆ.

The post ರೇಣುಕಾಸ್ವಾಮಿ ಕೇಸ್ ಬೆಳ್ಳಿ ತೆರೆ ಮೇಲೆ ಬರ್ತಾ ಇದ್ಯಾ? ಯಾರು ಈ ಬಾಸ್? ಏನಿದು ಕ್ರೈಂ ಸಿನಿಮಾ ಸುಳಿವು? appeared first on Samyukta Karnataka.

]]> ಮೇಘನಾ ರಾಜ್: ಮತ್ತೇ ಬಣ್ಣದ ಲೋಕಕ್ಕೆ, ‘ಜೈಲರ್ 2’ ಸೀಕ್ವೆಲ್‌ಗೆ ಸಜ್ಜು! https://samyuktakarnataka.in/entertainment/meghana-raj-gearing-up-for-another-colorful-world-the-sequel-to-jailer-2/ Wed, 04 Feb 2026 15:29:24 +0000 https://samyuktakarnataka.in/?p=91081 ಮೇಘನಾ ರಾಜ್: ಕನ್ನಡ ಚಿತ್ರರಂಗದ ಜನಪ್ರಿಯ ನಟಿ ಮೇಘನಾ ರಾಜ್ ಸರ್ಜಾ ಜೀವನದ ಕಠಿಣ ಪರೀಕ್ಷೆಗಳನ್ನು ಎದುರಿಸಿ, ಈಗ ಮತ್ತೆ ಬೆಳ್ಳಿತೆರೆಯ ಮೇಲೆ ಮಿಂಚಲು ಸಜ್ಜಾಗಿದ್ದಾರೆ. ಪತಿ ಚಿರಂಜೀವಿ ಸರ್ಜಾ ಅಕಾಲಿಕ ನಿಧನದ ನಂತರ ಕಂಗೆಡದೆ, ಮಗ ರಾಯನ್ ರಾಜ್ ಸರ್ಜಾನನ್ನು ಜೀವನದ ಶಕ್ತಿಯನ್ನಾಗಿಸಿಕೊಂಡು ಸಿನಿಮಾಗಳತ್ತ ಮುಖ ಮಾಡಿರುವ ಮೇಘನಾ, ಈಗ ಭಾರತೀಯ ಚಿತ್ರರಂಗವೇ ಎದುರುನೋಡುತ್ತಿರುವ ‘ಜೈಲರ್ 2’ ಚಿತ್ರದ ಮೂಲಕ ದೊಡ್ಡ ಮಟ್ಟದ ಸುದ್ದಿಯಲ್ಲಿದ್ದಾರೆ. ತಮಿಳು ಚಿತ್ರರಂಗಕ್ಕೆ 13 ವರ್ಷಗಳ ನಂತರ ಪುನರಾಗಮನ: ಸುಮಾರು 13 […]

The post ಮೇಘನಾ ರಾಜ್: ಮತ್ತೇ ಬಣ್ಣದ ಲೋಕಕ್ಕೆ, ‘ಜೈಲರ್ 2’ ಸೀಕ್ವೆಲ್‌ಗೆ ಸಜ್ಜು! appeared first on Samyukta Karnataka.

]]> ಮೇಘನಾ ರಾಜ್: ಕನ್ನಡ ಚಿತ್ರರಂಗದ ಜನಪ್ರಿಯ ನಟಿ ಮೇಘನಾ ರಾಜ್ ಸರ್ಜಾ ಜೀವನದ ಕಠಿಣ ಪರೀಕ್ಷೆಗಳನ್ನು ಎದುರಿಸಿ, ಈಗ ಮತ್ತೆ ಬೆಳ್ಳಿತೆರೆಯ ಮೇಲೆ ಮಿಂಚಲು ಸಜ್ಜಾಗಿದ್ದಾರೆ. ಪತಿ ಚಿರಂಜೀವಿ ಸರ್ಜಾ ಅಕಾಲಿಕ ನಿಧನದ ನಂತರ ಕಂಗೆಡದೆ, ಮಗ ರಾಯನ್ ರಾಜ್ ಸರ್ಜಾನನ್ನು ಜೀವನದ ಶಕ್ತಿಯನ್ನಾಗಿಸಿಕೊಂಡು ಸಿನಿಮಾಗಳತ್ತ ಮುಖ ಮಾಡಿರುವ ಮೇಘನಾ, ಈಗ ಭಾರತೀಯ ಚಿತ್ರರಂಗವೇ ಎದುರುನೋಡುತ್ತಿರುವ ‘ಜೈಲರ್ 2’ ಚಿತ್ರದ ಮೂಲಕ ದೊಡ್ಡ ಮಟ್ಟದ ಸುದ್ದಿಯಲ್ಲಿದ್ದಾರೆ.

ತಮಿಳು ಚಿತ್ರರಂಗಕ್ಕೆ 13 ವರ್ಷಗಳ ನಂತರ ಪುನರಾಗಮನ: ಸುಮಾರು 13 ವರ್ಷಗಳ ಸುದೀರ್ಘ ಬಿಡುವಿನ ನಂತರ ಮೇಘನಾ ರಾಜ್ ತಮಿಳು ಚಿತ್ರರಂಗಕ್ಕೆ ಮರಳುತ್ತಿದ್ದಾರೆ. ಅದು ಕೂಡ ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ, ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನದ ಬ್ಲಾಕ್‌ಬಸ್ಟರ್ ಸೀಕ್ವೆಲ್ ಮೂಲಕ ಎಂಬುದು ವಿಶೇಷ. 2023ರಲ್ಲಿ ಬಿಡುಗಡೆಯಾದ ‘ಜೈಲರ್’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಹೊಸ ದಾಖಲೆ ಬರೆದಿತ್ತು. ಈಗ ಅದರ ಮುಂದುವರಿದ ಭಾಗದಲ್ಲಿ ಮೇಘನಾ ಯಾರೂ ಊಹಿಸದಂತಹ ವಿಭಿನ್ನ ಹಾಗೂ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಪ್ರೇಕ್ಷಕರಿಗೆ ಕುತುಹಲ ಮೂಡಿಸಿದೆ.

ತಲೆಮಾರುಗಳ ಅಪರೂಪದ ನಂಟು: ಮೇಘನಾ ರಾಜ್ ಕುಟುಂಬಕ್ಕೆ ರಜನಿಕಾಂತ್ ಅವರೊಂದಿಗಿನ ಸಂಬಂಧ ದಶಕಗಳಷ್ಟು ಹಳೆಯದು. 1978ರಲ್ಲಿ ತೆರೆಕಂಡ ಪುಟ್ಟಣ್ಣ ಕಣಗಾಲ್‌ರ ‘ತಪ್ಪಿದ ತಾಳ’ ಚಿತ್ರದಲ್ಲಿ ಮೇಘನಾ ತಂದೆ ಸುಂದರ್ ರಾಜ್ ಮತ್ತು ತಾಯಿ ಪ್ರಮೀಳಾ ರಜನಿಕಾಂತ್ ಅವರೊಂದಿಗೆ ನಟಿಸಿದ್ದರು. ಈಗ ಸುಮಾರು 48 ವರ್ಷಗಳ ನಂತರ, ಅದೇ ಸೂಪರ್‌ಸ್ಟಾರ್ ಜೊತೆ ಮಗಳು ಮೇಘನಾ ಬಣ್ಣ ಹಚ್ಚುತ್ತಿರುವುದು ಇವರ ವೃತ್ತಿಜೀವನದ ಮೈಲಿಗಲ್ಲಾಗಿದೆ.

ಚಿತ್ರದಲ್ಲಿನ ಆಕರ್ಷಣೆ: ಸನ್ ಪಿಕ್ಚರ್ಸ್ ನಿರ್ಮಾಣದ ಈ ಚಿತ್ರದಲ್ಲಿ ರಮ್ಯಾ ಕೃಷ್ಣನ್, ಯೋಗಿ ಬಾಬು ಮತ್ತು ಮಿರ್ನಾ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಮೊದಲ ಭಾಗದಲ್ಲಿ ‘ನರಸಿಂಹ’ನಾಗಿ ಅಬ್ಬರಿಸಿದ್ದ ಕನ್ನಡದ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಈ ಸೀಕ್ವೆಲ್‌ನಲ್ಲೂ ಮುಂದುವರಿಯುವ ಸಾಧ್ಯತೆ ದಟ್ಟವಾಗಿದೆ. ಇದರೊಂದಿಗೆ ಮೇಘನಾ ರಾಜ್ ಕನ್ನಡದಲ್ಲಿ ‘ಸಂಗೀತಾ ಬಾರ್ ಅಂಡ್ ರೆಸ್ಟೋರೆಂಟ್’ ಎನ್ನುವ ಚಿತ್ರದ ಮೂಲಕವೂ ಅಭಿಮಾನಿಗಳನ್ನು ರಂಜಿಸಲು ಸಿದ್ಧರಾಗಿದ್ದಾರೆ ಎನ್ನಲಾಗುತ್ತಿದೆ.

ಜೀವನದಲ್ಲಿ ಎದುರಾದ ನೋವುಗಳನ್ನು ಧೈರ್ಯದಿಂದ ಮೆಟ್ಟಿ ನಿಂತು, ತಮ್ಮ ಪ್ರತಿಭೆಯ ಮೂಲಕ ಮತ್ತೆ ಚಲನಚಿತ್ರ ರಂಗದಲ್ಲಿ ನೆಲೆ ಕಂಡುಕೊಳ್ಳುತ್ತಿರುವ ಮೇಘನಾ ರಾಜ್ ಈ ಪಯಣ ಅನೇಕರಿಗೆ ಸ್ಫೂರ್ತಿಯಾಗಿದೆ. ‘ಜೈಲರ್ 2’ ಚಿತ್ರದಲ್ಲಿ ಪಾತ್ರವು ಕೆರಿಯರ್‌ಗೆ ಹೊಸ ಆಯಾಮ ನೀಡಲಿದೆ ಎಂಬ ಭರವಸೆ ಅಭಿಮಾನಿಗಳಲ್ಲಿದೆ.

The post ಮೇಘನಾ ರಾಜ್: ಮತ್ತೇ ಬಣ್ಣದ ಲೋಕಕ್ಕೆ, ‘ಜೈಲರ್ 2’ ಸೀಕ್ವೆಲ್‌ಗೆ ಸಜ್ಜು! appeared first on Samyukta Karnataka.

]]>