ರಾಜಶ್ರೀ ಅವರು ತಮ್ಮ ತೋಟದಲ್ಲಿ ಬೆಳೆದ ಮಿಯಾಝಕಿ ಮಾವುಗಳನ್ನು ಬೃಹತ್ ಕೈಗಾರಿಕಾ ಸಚಿವ ಎಮ್‌. ಬಿ. ಪಾಟೀಲ್‌ ಅವರಿಗೆ ಉಡುಗೊರೆಯಾಗಿ ನೀಡಿ ಸಂತೋಷ ಹಂಚಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ಅವರ ಕೃಷಿ ಸಾಧನೆಗೆ ಸಚಿವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ದುಬಾರಿ ಹೂಡಿಕೆ, ದೊಡ್ಡ ಲಾಭ: ಜಪಾನ್ ಮೂಲದ ಮಿಯಾಝಕಿ ಮಾವಿನ ತಳಿಯನ್ನು ಆಂಧ್ರ ಪ್ರದೇಶದ ರಾಜಮಂಡ್ರಿಯಿಂದ ಪ್ರತಿ ಗಿಡಕ್ಕೆ ಸುಮಾರು ₹10,000 ದರದಲ್ಲಿ ಖರೀದಿಸಿ, ಒಟ್ಟು 25 ಗಿಡಗಳಿಗೆ ಸುಮಾರು ₹2.5 ಲಕ್ಷ ಹೂಡಿಕೆ ಮಾಡಿ ಈ ಪ್ರಯತ್ನ ಆರಂಭಿಸಿದ್ದರು. ಆರಂಭಿಕ ಹೂಡಿಕೆ ಹೆಚ್ಚಿನದಾಗಿದ್ದರೂ, ಇದೀಗ ಈ ಬೆಳೆ ಲಕ್ಷಾಂತರ ರೂಪಾಯಿ ಆದಾಯ ನೀಡುತ್ತಿರುವುದಾಗಿ ಅವರು ತಿಳಿಸಿದ್ದಾರೆ.

ಕೃಷಿಯಿಂದ ಉದ್ಯಮದತ್ತ ಹೆಜ್ಜೆ : ರಾಜಶ್ರೀ ಅವರ ಸಾಧನೆ ಕುರಿತು ಪ್ರತಿಕ್ರಿಯಿಸಿದ ಸಚಿವ ಎಂ.ಬಿ. ಪಾಟೀಲ, “ಕೃಷಿಕರನ್ನು ಉದ್ಯಮಿಗಳನ್ನಾಗಿಸುವ ನಮ್ಮ ಉದ್ದೇಶಕ್ಕೆ ಇಂತಹ ಪ್ರಯತ್ನಗಳು ಬಲ ನೀಡುತ್ತವೆ. ಇವರ ಸಾಧನೆ ಇತರ ರೈತರಿಗೆ ಪ್ರೇರಣೆಯಾಗಬೇಕು” ಎಂದು ಹೇಳಿದ್ದಾರೆ.

ರಾಜ್ಯದ ರೈತರಿಗೆ ಪ್ರೇರಣೆ : ಮಿಯಾಝಕಿ ಮಾವು ವಿಶ್ವದಲ್ಲೇ ಅತ್ಯಂತ ದುಬಾರಿ ಹಣ್ಣುಗಳಲ್ಲಿ ಒಂದಾಗಿದೆ. ಇದನ್ನು ಬೆಳೆಸಲು ಸೂಕ್ತ ಹವಾಮಾನ, ವಿಶೇಷ ಆರೈಕೆ ಮತ್ತು ತಾಂತ್ರಿಕ ಜ್ಞಾನ ಅಗತ್ಯವಿದೆ. ಇಂತಹ ಸವಾಲುಗಳನ್ನು ಮೀರಿ ಯಶಸ್ವಿಯಾದ ರಾಜಶ್ರೀ ಅವರ ಪ್ರಯತ್ನವು, ಕೃಷಿಯಲ್ಲಿ ನವೀನ ಪ್ರಯೋಗಗಳಿಗೆ ಹೊಸ ದಾರಿ ತೆರೆದಿದೆ.

The post ವಿಜಯಪುರ: ಜಪಾನ್ ಮಾವು ಬೆಳೆದು ಗಮನ ಸೆಳೆದ ರೈತ ಮಹಿಳೆ-ಮಿಯಾಝಕಿ ಹಣ್ಣು ಸಚಿವರಿಗೆ ಉಡುಗೊರೆ appeared first on Samyukta Karnataka.

ಇಂದಿನ ಹವಾಮಾನದ ಬಗ್ಗೆ ನೋಡುವುದಾದರೆ, ಬುಧವಾರ ಗರಿಷ್ಠ ತಾಪಮಾನವು 37 ಡಿಗ್ರಿ ಸೆಲ್ಸಿಯಸ್‌ ತಲುಪುವ ಸಾಧ್ಯತೆಯಿದ್ದು, ಕನಿಷ್ಠ ತಾಪಮಾನ 24 ಡಿಗ್ರಿ ಸೆಲ್ಸಿಯಸ್‌ ಆಸುಪಾಸಿನಲ್ಲಿರಲಿದೆ. ಆಕಾಶದಲ್ಲಿ ಭಾಗಶಃ ಮೋಡ ಕವಿದ ವಾತಾವರಣ ಕಂಡುಬಂದರೂ ಸಹ, ಶಾಖದ ತೀವ್ರತೆ ದಿನವಿಡೀ ಹೆಚ್ಚಾಗುತ್ತಲೇ ಇರಲಿದೆ. ಸಂಜೆ ವೇಳೆಗೆ ಸ್ವಲ್ಪ ಮಟ್ಟದ ಮೋಡಗಳ ರಚನೆಯಾಗುವ ಮುನ್ಸೂಚನೆ ಇದೆಯಾದರೂ, ಮಳೆಯಾಗುವ ಯಾವುದೇ ಲಕ್ಷಣಗಳಿಲ್ಲದ ಕಾರಣ ಮುಂದಿನ ಕೆಲವು ದಿನಗಳ ಕಾಲ ಇದೇ ರೀತಿಯ ಒಣ ಮತ್ತು ಬಿಸಿ ಹವಾಮಾನ ಮುಂದುವರಿಯಲಿದೆ.

ಬೆಂಗಳೂರು ಮಾತ್ರವಲ್ಲದೆ ಇಡೀ ರಾಜ್ಯದ ಪರಿಸ್ಥಿತಿಯೂ ಕಳವಳಕಾರಿಯಾಗಿದೆ. ಉತ್ತರ ಒಳನಾಡಿನ ಹಲವು ಜಿಲ್ಲೆಗಳಲ್ಲಿ ಉಷ್ಣಗಾಳಿಯಂತಹ (Heatwave) ವಾತಾವರಣ ನಿರ್ಮಾಣವಾಗಲಿದ್ದರೆ, ಕರಾವಳಿ ಭಾಗದಲ್ಲಿ ಉಸಿರುಕಟ್ಟುವಂತಹ ತೇವಾಂಶಭರಿತ ಸೆಖೆ ಇರಲಿದೆ ಎಂದು ಹವಾಮಾನ ಇಲಾಖೆ ಎಚ್ಚರಿಸಿದೆ.

ಇದಕ್ಕೆ ಪೂರಕವಾಗಿ 2026ರ ನೈಋತ್ಯ ಮುಂಗಾರು ಮಳೆಯ ಬಗ್ಗೆ ಹವಾಮಾನ ಇಲಾಖೆ ನೀಡಿರುವ ಮುನ್ಸೂಚನೆ ರಾಜ್ಯದ ಪಾಲಿಗೆ ಅಶುಭ ಸುದ್ದಿಯಾಗಿದೆ. ಪೆಸಿಫಿಕ್ ಸಾಗರದಲ್ಲಿ ಉಂಟಾಗಲಿರುವ ‘ಎಲ್ ನಿನೋ’ ಪ್ರಭಾವದಿಂದಾಗಿ ಈ ಬಾರಿ ವಾಡಿಕೆಗಿಂತ ಕಡಿಮೆ ಮಳೆಯಾಗುವ ಸಾಧ್ಯತೆಯಿದೆ. ಒಟ್ಟು ಸರಾಸರಿಯ ಕೇವಲ ಶೇ. 92 ರಷ್ಟು ಮಳೆಯಾಗಬಹುದು ಎಂದು ಅಂದಾಜಿಸಲಾಗಿದ್ದು, ಇದು ನೇರವಾಗಿ ರಾಜ್ಯದ ಕೃಷಿ ಮತ್ತು ಜಲಮೂಲಗಳ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಲಿದೆ. ಮಳೆ ಕಡಿಮೆಯಾಗುವುದರಿಂದ ಮುಂಬರುವ ದಿನಗಳಲ್ಲಿ ಕೃಷಿ ಅವಲಂಬಿತ ಪ್ರದೇಶಗಳಲ್ಲಿ ಆತಂಕದ ಛಾಯೆ ಆವರಿಸಿದೆ. ಒಟ್ಟಾರೆಯಾಗಿ ಹೇಳುವುದಾದರೆ, ಬೆಂಗಳೂರಿಗರು ಮತ್ತು ರಾಜ್ಯದ ಜನತೆ ಈ ಕಡು ಬೇಸಿಗೆ ಮತ್ತು ಮುಂದಿನ ಸವಾಲುಗಳಿಗೆ ಸಜ್ಜಾಗಬೇಕಿದೆ.

The post ಗಾರ್ಡನ್ ಸಿಟಿ ಬೆಂಗಳೂರು ಈಗ ‘ಹಾಟ್ ಸಿಟಿ’; ವಿಪರೀತ ಬಿಸಿಲ ಬೇಗೆ ಇನ್ನು ಎಷ್ಟು ದಿನ? appeared first on Samyukta Karnataka.