ಚಾಮರಾಜನಗರ: ಬಳ್ಳಾರಿ ಆಸ್ಪತ್ರೆಗೆ ಇಂದು ಆರೋಗ್ಯ ಸಚಿವರು ಹಾಗೂ ಇಲಾಖೆ ಅಧಿಕಾರಿಗಳು ಕೂಡ ಭೇಟಿ ನೀಡಿ ಬಾಣಂತಿ ಸಾವಿನ ಕುರಿತು ಪರಿಶೀಲನೆ ನಡೆಸಲಿದ್ದಾರೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ತಿಳಿಸಿದರು.

ಅವರು ಇಂದು ಚಾಮರಾಜನಗರದ ನರಿಪುರ ಗ್ರಾಮದ ಹೆಲಿಪ್ಯಾಡ್ ನಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದರು.

ಬಳ್ಳಾರಿ ಆಸ್ಪತ್ರೆಯ ಮೇಲೆ ಇಂದು ಲೋಕಾಯುಕ್ತ ದಾಳಿಯಾಗಿರುವ ಬಗ್ಗೆ ಮಾಧ್ಯಮದವರ ಪ್ರಶ್ನೆಗೆ ಉತ್ತರಿಸಿ ನಾಲ್ಕು ಬಾಣಂತಿಯರು ಮರಣ ಹೊಂದಿದಾಗ ಸಭೆ ಕರೆಯಲಾಗಿತ್ತು. ಐದನೇ ಬಾಣಂತಿ ಮೃತಪಟ್ಟಿರುವ ಬಗ್ಗೆ ನಿನ್ನೆ ನಡೆದ ಸಚಿವ ಸಂಪುಟ ಸಭೆಯಲ್ಲಿಯೂ ಚರ್ಚೆ ನಡೆದಿದೆ. ಕಳಪೆ ಗುಣಮಟ್ಟದ ಔಷಧ ಸರಬರಾಜು ಮಾಡುತ್ತಿರುವ ಕಂಪನಿಯನ್ನು ಕಪ್ಪುಪಟ್ಟಿಗೆ ಸೇರಿಸಲಾಗಿದೆ ಹಾಗೂ ಔಷಧ ನಿಯಂತ್ರಕರನ್ನು ಅಮಾನತು ಮಾಡಲಾಗಿದೆ ಎಂದರು.

ತಪ್ಪಿತಸ್ಥರ ಮೇಲೆ ಕ್ರಮ : ಅಭಿವೃದ್ಧಿ ಆಯುಕ್ತರ ಅಧ್ಯಕ್ಷತೆಯಲ್ಲಿ ಸಮಿತಿಯನ್ನು ರಚಿಸಿ ವರದಿ ಸಲ್ಲಿಸಲು ಸೂಚಿಸಿದೆ. ವರದಿ ಬಂದ ನಂತರ ತಪ್ಪಿತಸ್ಥರ ಮೇಲೆ ಕ್ರಮ ಕೈಗೊಳ್ಳಲಾಗುವುದು. ಈಗಾಗಲೇ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದರು.

The post ಬಾಣಂತಿ ಸಾವು: ಸಮಿತಿ ವರದಿ ಬಂದ ನಂತರ ಸೂಕ್ತ ಕ್ರಮ appeared first on Samyukta Karnataka.

ನನ್ನ ಧರ್ಮಕ್ಕೆ ಸಂಕಟ ಬಂದಾಗ ಜೀವ ಕೊಟ್ಟರೂ ಪರವಾಗಿಲ್ಲ. ನನ್ನ ಧರ್ಮ ಸಂರಕ್ಷಣೆ ಮಾಡಬೇಕು. ಇದಕ್ಕೆ ಜಿಹಾದ್ ಎಂದು ಕರೆಯುತ್ತಾರೆ. ಆದರೆ ಜಿಹಾದ್ ಎಂಬರ್ಥವನು ಬೇರೆಯಾಗಿಯೇ ತಿಳಿಯುತ್ತ ಬರಲಾಗುತ್ತದೆ. ಸಮಾಜದಲ್ಲಿ ವಿಷ ಬೀಜ ಬಿತ್ತುವ ಕೆಲಸ ಮಾಡುತ್ತಿದ್ದಾರೆ. ಜೀವ ತೆಗೆಯುವದು ಜೀಹಾದ್ ಆಗುವದಿಲ್ಲ ಬದಲಾಗಿ ಧರ್ಮ ಸಂರಕ್ಷಣೆಗಾಗಿ ಜೀವವನ್ನೇ ತ್ಯಾಗ ಮಾಡುವದು ಅಥವಾ ಪ್ರಾಣ ಕೊಡುವದು ಎಂಬರ್ಥ. ಕರ್ತವ್ಯ ಆದರ ತನ್ನ ಧರ್ಮ ರಕ್ಷಣೆಗಾಗಿ ಮತ್ತೊಬ್ಬರ ಪ್ರಾಣ ತೆಗೆಯುವದು ಇದು ಯಾವ ಧರ್ಮದ ನ್ಯಾಯ. ಯಾವ ಧರ್ಮವೂ ಕೂಡ ಹೊಡೆದಾಡಿ ಬಡೆದಾಡಿ ಎಂದು ಯಾವ ಧರ್ಮಗ್ರಂಥಗಳು ಹೇಳಿಲ್ಲ. ಬಸವಣ್ಣನವರು ದಯವೇ ಧರ್ಮದ ಮೂಲವಯ್ಯಾ ಎಂದು ಹೇಳಿರುವರು. ಧರ್ಮದ ಪ್ರಚಾರ ಮತ್ತು ಪ್ರಸಾರ ನಯವಿನಯದಿಂದ ಆಗುತ್ತದೆ. ಹೊರತು ಕತ್ತಿ, ಚಾಕು ಚೂರಿಗಳಿಂದಲ್ಲ ಎಂಬುದು ಎಲ್ಲರೂ ಅರ್ಥ ಮಾಡಿಕೊಳ್ಳಬೇಕು.

ಹಜರತ್ ಹುಸೇನ್‌ರು ಶಾಂತಿಪ್ರಿಯರಾಗಿದ್ದರು. ಅದಕ್ಕಾಗಿ ಯಾವುದೇ ಆಯುಧಗಳಿಲ್ಲದೇ ಅವರೊಂದಿಗೆ ಅಲ್ಲಾಹ್ ಕೃಪೆ ಒಂದೇ ಅವರ ಸಾಧನವಾಗಿತ್ತು. ಧರ್ಮದ ರಕ್ಷಣೆಗಾಗಿ ತನ್ನೊಂದಿಗೆ ಇಡೀ ಪರಿವಾರ ಸಣ್ಣ ಸಣ್ಣ ಮಕ್ಕಳನ್ನು ಬಲಿ ಕೊಟ್ಟು ಹೋರಾಡಿ ಕರ್ಬಲಾ ಭೂಮಿಯಲ್ಲಿ ಮಡಿದರು. ಅದರ ದ್ಯೋತಕವಾಗಿ ಮೊಹರಂ ಆಚರಿಸುತ್ತೇವೆ. ಈ ಹಬ್ಬ ನಾಡಿನಲ್ಲಿ ಭಾವೈಕ್ಯತೆಯನ್ನು ಬಿಂಬಿಸುತ್ತದೆ. ಹಿಂದುವಾಗಲಿ ಮುಸ್ಲಿಂರಾಗಲಿ ಇನ್ನಾರೇ ಆಗಲಿ. ಅವರಲ್ಲಿನ ಅಹಿಂಸೆ, ಕರುಣೆ, ಮೌಲ್ಯ, ಪ್ರೀತಿ, ನಂಬಿಕೆಗಳನ್ನು ಆದರಿಸುತ್ತದೆ ಹೊರತು ಹಿಂಸೆಯನ್ನಲ್ಲವೆಂಬುದನ್ನು ಮೊಹರಂ ಸಾದರ ಪಡಿಸುತ್ತದೆ.

The post ಜಿಹಾದ್ ಎಂದರೆ ಪ್ರಾಣ ತೆಗೆಯುವುದಲ್ಲ; ಪ್ರಾಣತ್ಯಾಗ appeared first on Samyukta Karnataka.